சேரிப்பையனும் - சிவகாசிக்காரனுக்கு பதில் கருத்தும்...

அந்த சாலையோரக் கோவிலின் நீண்ட சுற்றுச் சுவர் அப்படி ஒன்றும் வலிதல்ல... அதன் மேலுள்ள பீங்கான் துண்டுகள் நான் பொறுக்கி தந்தவையே....

நீங்கள் சிறுநீர் கழிக்கும் 
அதே சாலையோரம்தான் நான் வாழ்கிறேன் .... நீங்கள் வசிக்கிறீர்கள். !!

உங்கள் கழிவுகளால் நிரம்புகிறது
என் இருப்பிடம் ..
என் இருப்பினால் சுத்தமாகிறது
உங்கள் வீடுகள் ...

என் தமையனும் நானும் 
மலம் கழித்து எழுந்த போதுதான்
நீங்கள் நிழல் காயும் அந்த மரங்கள் வளர்ந்தெழுந்தன!! மூக்கை பொத்திக் கொள்ளுங்கள் ....

அப்படியாக 
உங்களில் ஒருவனாக நானோ என்னைப் போல ஒருவனாக நீங்களோ சொந்தமாகத்தான் இருக்கின்றோம் ...!! ஆயினும் .... 
அந்தக் கோவிலின் சுவர் வலிதாகவும் எனது அசுத்தத்தில் நீங்கள் சுத்தமாகவும் சொந்தம் கொல்லும் சொந்தமாகவும் அமைய ஜாதிதான் காரணமெனில் ..... காரணத்தின் காரணங்கள் 
அப்படியேத்தான் இருக்கிறது கழுவப்படாத குண்டியைப் போல... சலுகைகளும் வாக்குறுதிகளும் பவுசாக பல்லிளிக்கிறது வேண்டுமென்றே காண்பிக்கப்படும் ஜாக்கி ஜட்டியைப் போல....

-சேரிப்பையன்

மிக எதேச்சையாக சிவகாசிக்காரன் அவர்களின் ஜாதி வேண்டும்... என்ற ஒருபழைய பதிவு படிக்க நேர்ந்தது.....அந்த பதிவுக்கு மேலே உள்ள அண்ணல் அம்பேத்காரின் வரிகளை விட வேறு பதில் அவசியம் இல்லை என்று கருதுகிறேன்.....அவருக்கு வேண்டுமானால் வாசல் வரை சாதி இருக்கலாம்.ஆனால் வீதியில் செல்ல கூட சாதியையும் ,பூஜை செய்ய ஜாதியும்,வீடு வாடகைக்கும் ஜாதியையும் கேட்கிற இடத்துல சொல்ல உள்ளூர படும் வேதனை அறியவில்லையோ என்று நினைக்கிறேன்.

இப்போது இந்தக்கணம் நான் வசிக்கும் வீட்டின் ஓனர் சாதி கேட்ட போது தாழ்த்தப்பட்டவன் என்றதும் முகம் போன போக்கும் அதை தொடர்ந்து என் மனைவி ஜாதியை கூறியதும் சற்று ஆறுதலாக போனதையும் உணர்ந்தவனின் வலி புரிவது கஷ்டமே....

ஜாதி ஒழிய குரல் கொடுப்பவர்களை கிண்டுவதை விட ஜாதியை தூக்கி கொண்டு வீதிக்கு வந்துள்ளவர்களை கிண்டியிருக்கலாம்.ஜாதி ஒழிப்பாளர்கள் தருவது எதிர் வினையே....முதல் வினையை விட்டு எதிர் வினையை கேள்விகள் கேட்பது மேம்போக்கான பார்வையாகவே தோணுகிறது.....

ஜாதி வேறுபாடின்றி வாழ்வதுதான் நல்லது என்ற கூற்றுக்கு வாழ்த்துக்கள்......கல்யாண கலாச்சாரங்கள் மட்டுமில்ல ... உடன் கட்டை ஏறுதல்,விசேசங்களுக்கு விதவைகளை மறுத்தல் இது மாதிரி ஏகப்பட்ட கலாச்சாரங்கள் உண்டு ....அதையும் கடைப்பிடித்து வாழ வேண்டிக்கொள்கிறேன்.

என் மனைவியின் அம்மா ஜாதியை வீட்டுக்குள் வைத்திருந்தவர்தான்......என் அம்மா பெண் கேட்டு சென்ற போது எட்டி நின்னு தண்ணி வாங்கி குடிக்கிறவங்க படியேறி பொண்ணு கேட்டு வர்றாங்க என்று சொன்ன போது அந்த ஜாதிக்கு வீடும் தெரில வீதியும் தெரில.......ஒரு வழியா சம்மதிச்சப்ப...ஊர்க் கூட்டம் போட்டு கணவன் இல்லா அவரை இரக்கமே இல்லாமல் வீடு காலி செய்ய சொன்னார்கள்.செய்யப்பட்டார்.அவர்களின் ஜாதி தெரியுமா? நாடார் ஜாதிதான்.... உங்களுக்கே தெரியாமல் இப்படி ஒரு கலாச்சாரம் நாடார் ஜாதியில் இருப்பது துரதிருஷ்டவசமே...

ஒவ்வொரு ஜாதிகளின் கலாச்சாரமும் பண்பாடும் எவ்வளவு முக்கியமோ அவ்வளவுக்கு தாழ் ஜாதியில் பிறந்தவனின் சுய மரியாதை.அதை சீண்டுவது ஜாதிதான் என்றால் அதை கடாசுவதில் உங்களுக்கு விருப்பமில்லை எனில் பரவாயில்லை.....விரும்புவர்களையும் திசை திருப்பும் பதிவாகி விடுமோ என்ற அச்சம் எழுகிறது.....அந்த அச்சத்தின் விளைவே இந்த பதிவு(?!?!) நன்றி.

உங்களின் மற்றொரு பதிவு ..."சசிக்குமாரையும் விட்டு வைக்கலையாய்யா நீங்க " பதிவு அருமை.இதையே சுந்தரப்பாண்டியன் வந்த போதே எழுதியிருந்தேன்.சினிமாவை சினிமாவா பார்க்க சொன்னாங்க....


குறிப்புகள்;
ஜாக்கி என்பது ஜாக்கி சேகரையோ ஜாக்கிசானையோ குறிக்காது :)

கு வார்த்தை தவிர்க்க முடியவில்லை ..மன்னிக்கவும்.

மறக்காமல் குற்றங்களை பின்னூட்டத்தில் தெரிவிக்கவும்..பாரட்டுக்களை ஓட்டு பெட்டியில் பதிக்கவும்.கழுவி ஊத்துவதற்க்கு காமெடி கும்மியில் தொடர்பு கொல்லவும்....

மிகுந்த காலத்துக்குப் பின் எழுதின இந்த கவிதையில் (?!?!) பொருட் குற்றம் சொல் குற்றம் எது இருப்பினும் தயவு செய்து குறிப்பிடவும்.நன்றி.தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,தம்பி ,
thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi thambi 

	Tweet

மீண்டு(ம்) மீண்டு(ம்) வருவேன் -தீவிரவாதி

நான்கு மாதங்களுக்குப் பின் மீண்டும் வந்துள்ளேன் நண்பர்களே,சொல்லி கொண்டு செல்ல கூட காலம் கொடுக்காத அவசர கோலத்தில் சென்றதால் எந்த ஒரு தகவலும் தர இயலவில்லை.மன்னிக்கவும்.முதலாம் பிறந்தநாளை நினைத்து பார்க்க கூட மறந்து விட்டது இந்த வலைப்பூ. 

எல்லை பாதுகாப்பு படையில்  ராஜஸ்தான் ஜோத்பூரில் ஐந்து வருட INSTRUCTOR பணி காலம் முடிந்து ஜம்மு சாம்பா -பாக் எல்லையில் காவலுக்கு  போக ஆர்டர் வந்த போது சற்று அயற்சியாகதான் இருந்தது.முக நூலிலும் வலைதள உலகத்திலும் மெல்ல தவழ்ந்து எழும் போது நச்சுன்னு முதுகுல குத்தி முடக்கி போட்ட மாதிரி பீலிங்.

ஏன்னா எல்லைல இந்த லேப் டாப்,மொபைல் செயல்கள் புரிய கமாண்டர் ஒத்துகிட்டா கூட காலம் ஒத்துகிடாது,காலம் ஒத்துகிட்டா கூட கடன்கார சிக்னல் ஒத்துக்காது..ஐந்து வருடத்திற்கு முன் ஒரு இரவு கூட நிம்மதியாக முழு உறக்கம் உறங்காத நினைவுகள் சற்று பயம் காட்ட  ஆரம்பித்தன.

டெல்லில இருந்து அழுத்தம் காரணமாக  என்னை பயிற்சி பள்ளி  அவசரமாக விரட்டியதாலோ என்னவோ ஓடி ஓடி பயிற்சி கொடுத்த மைதானத்தை கடக்கும் போது முதன்முதலா மிக நீளமாக தோன்றியது.

அவசரமாக ஒரு ஸ்டேட்டஸ் போட்டுவிட்டு அதே அவசரமா ரயில் ஏறினால் பருத்திவீரன் பிரியாமணி மாதிரி எனக்கு உன்னைய ரொம்ப பிடிக்கும்டானு அழும் மனைவிக்கு நடுவில் யப்பா,நீ இப்போ போறீயே என் சைக்கிளை யார் சரி பண்ணி கொடுப்பா?ன்னு கேக்கிறான் பையன்....அவனுக்கு அவன் கஷ்டம்....

காலை  எழுந்ததும் முக நூல்,புதுபுது அர்த்தங்கள்,சன் மியூசிக்,நேர்பட பேசு சனிக்கிழமை இந்தி சினிமா,அப்பப்ப ஒரு பதிவுன்னு  இருந்துட்டு வேலி கம்பியும்,ஆளுயர புற்களும்,நரிகள்,பாம்புகள்,மான்கள்,பன்றிகள் என்று சட்டென்று ஒரு ஆதிகால வாழ்வுக்கு திரும்பிய போது சங்கடமாகத்தான் இருக்கிறது...ஆனாலும் என்ன செய்ய? சங்கடமில்லா வாழ்க்கையும் சதுரமான முட்டையும் சாத்தியமில்லையே ..

ஒரு ஓரமான காட்டுக்குள் இருந்து என்னை முடக்கி கொள்ள எனக்கு விருப்பமில்லை...மனைவி மக்களை தேடுவது போல பதிவிட, பதிவுகள் படிக்க, பாராட்ட,எதிர்வினை ஆற்ற பாய்கிறது மனம்.

இந்தப்பதிவுலகில் கற்போம்  தளம் மூலம் தமிழில் டைப் செய்ய வெளிச்சம் போட்ட பிரபுவும்,அலங்கோலமாய் கிடந்த என் தளத்தை ஒழுங்கு செய்து அழகு செய்த பிளாக்கர் நண்பன் அப்துல் பாஸித் அவர்களும்  வணக்கத்திற்கு உரியவர்கள் என்றால் மிகை அல்ல..

இவர்களை மீறி நான் கதை எழுதுவேன் என்று என்னை நம்பி முதலாம் மூன்றாம் பதிவு முதல் இப்போது வரை ஆதரித்து,அறிவுரை கொடுத்து எனது தளத்தை பல தளங்களுக்கு எடுத்து செல்லும்  எனது ஆசான்,அன்புத்தம்பி,இலக்கிய சித்தன் ,கண்ணாடி மச்சான் என்று கவிதாவால் அன்போடு அழைக்கப்படும்
அன்பு தம்பி திடங்கொண்டு போராடு சீனுவை  நன்றி சொல்லி சுருக்கி கொள்ள விரும்பவில்லை.

தொலைபேசியில் எங்கோ வெளிநாட்டில் இருந்து இரவு ஒரு மணி நேரத்திற்கு மேல் பேசிய மூத்த பிரபல பதிவர் பாசமிகு கோவை முத்தரசு அண்ணனை,அரைநாள் முழுவதும் காதலியை போல சலிப்பில்லாமல் பேசிய கரை சேரா அலை அரச ன் ஐயும்,காமெடி கும்மி  மூலம் என்னை சிரிக்க சிரிக்க வைத்த ஹாரி,வாத்தியார் ராஜா ,பிளேடு பீடியா கார்த்தி ,வரலாற்று சுவடுகள் போன்ற பல நல்ல உள்ளங்களையும்   எனக்கு தந்த இந்த பதிவுலகை விட்டு விட எனக்கு முடியவில்லை.

கால இடைவெளிகள் மட்டுமே பிரச்சனை ஆனாலும் எனது பதிவுகள் தொடர்ந்து வரும்.

காஷ்மீர் பதிவுகள் என்னை பல இஸ்லாமிய நண்பர்களிடம் சேர்த்துள்ளது.காஷ்மீர் மக்கள் இஸ்லாமியர்கள் என்பதாலும்,அவர்களை வைத்து பாக் மீன் பிடிக்கிறது என்பதாலும் அவர்களின் உரிமை போராட்டத்திற்கு மத சாயம் பூசுவது என்னால் முடியாது.அடக்குமுறை அதிகாரத்தில் அவதி கொள்ளும் வடகிழக்கு,சட்டிஷ்கர் பூர்வ குடி மக்கள்,காஷ்மீரத்து மக்கள் மூவருக்கும் என்னிடம் வித்தியாசம் எதுவுமில்லை.

இன்னுமொரு வாய்ப்பு காஷ்மீரில் பணி செய்ய வாய்ப்பிருந்தால்,சட்டிஸ்கரில் பணி புரிய வாய்ப்பு கிடைத்தால்  காணொளி
ஆதாரங்களோடு உங்கள் முன்னே எனது பதிவுகள் பேசும்.

வருடத்தில் இருமாதம் ,மற்றும் பதினைந்து நாள் விடுமுறையில் மனைவி,பிள்ளைகள்,நண்பர்கள்,உறவினர்கள்,பெற்றோர் என அனைவரையும் தாண்டி இங்கு பதிவிட வருவது எனக்கு சுலபமில்லை...ஆனாலும் வருவேன்.... மீண்டும் மீண்டும் வருவேன்.....உங்கள் ஆதரவோடு.....

-என்றென்றும் அன்போடும்,நன்றியோடும் உங்களின் அரசப் பயங்கரவாதி./தீவிரவாதி

அடுத்த பதிவு நீங்கள் காணாத இந்தியா-பாகிஸ்தான் எல்லைப் புற படங்களுடன்........

ஒவ்வொரு பதிவிலும் என்னை போல ஒரு புதிய பதிவரை எனது தளத்தில் அடையாளம் செய்வேன் என்று கடந்த பதிவில் ஆரம்பித்தேன்....எந்த பதிவுகளையுமே படிக்காமல் சட்டென்று வேண்டுமென்று ஒருவரை இங்கு சடங்காக அடையாளம் செய்ய விரும்பவில்லை...எனவே விடுமுறை....!!

	Tweet

டேவிட்-விக்ரமும் அவரின் முட்டாள் ரசிகர்களும் ....

விக்ரம்,ஜீவா நடித்து வெளியான டேவிட் தமிழ் பேசும் திரைகளை கதற கதற கிழித்து கொண்டிருக்கும் வேளையில் இன்னும் நம்மளை கதிகலங்க வைத்துள்ளனர் விக்ரம் ரசிகர்கள்

 ராஜபாளையம் சாந்தி திரையரங்கில் மக்களை ஓட ஓட விரட்டியடிக்கும் டேவிட் படத்தை  தினமும் ஆட்டோ ஓட்டும் இளையராஜா என்பவர் "சூப்பர்"  படம் என்று சீரியஸாக  காமெடி ஆட்டோ ஓட்டியிருப்பார்  போல.விடுவார்களா பொழுதுபோக்கு தீவிரவாதிகள்?

பிரபல நடிகர்களின் முதல் நாள் ஷோவை தமது முதலிரவை போல பாவிக்கும் ரசிக தீவிரவாதிகள் நிரம்பிய தியேட்டரில் படம் பார்க்க போனதும் இல்லாமல் ஒன் வே ரூட்டில் வண்டிய உட்டுகிட்டு  எதுத்தாப்ல வர்றவன பார்த்து சவுண்ட விட்டா சும்மா விடுவார்களா? 

இளையராஜா என்னும் அந்த ஓட்டுனர் அடித்து துவைக்கப்பட்டு ஆடைகளின்றி சாலையில் வீசப்பட்டார்.ஆணாக இருந்தா என்ன ? மானம் கொண்ட சமூகம்  கொண்டுதானே ஆடைகள் அணிந்திருந்தார்......அந்த சமூகத்திலேயே சமூகத்தாலேயே  அது உரியப்பட்டது.

அதிலும் இந்த ஒரு ஆளை அடிக்க உதைக்க அவுத்து விட என்று கிட்டத்தட்ட முப்பது பேர் கொண்ட ரசிக தீவிரவாதிகள் செயல்பட்டுள்ளனர்.அதில் பத்து பேரை காவல்துறை கைது செய்துள்ளது.மிச்ச தீவிரவாதிகளை தண்ணியில்லா குளத்தில் வலை வீசி தேடுவதாக சன் செய்திகள்  சொல்கிறது.

நான் ஏன் அடித்து போட்ட அந்த விக்ரம் ரசிகர்களை முட்டாள்கள் என்று சொல்ல வேண்டும்? 

நானும் அந்த டேவிட் படத்தை இரவு பார்க்க சென்றிருந்தேன்.எனக்கு மூன்று வரிசை மேலே விக்ரம்,எமி ஜாக்சன்,இயக்குனர் சங்கர்,அவரின் மனைவி,மற்றும் உடன் பணிபுரிவர் என "ஐ" பட குழுவும் படம் பார்க்க வந்திருப்பது  எங்களுக்கு தெரியாது.

மிக மெதுவாக நகர்ந்த படத்தால் கடுப்பான என் நண்பன் இடைவேளை வரவும் தன குடும்பத்தோடு வெளிநடப்பு செய்வதாக கூறினான்.படம் மொக்கைதான் இருந்தாலும் முழுசா பார்ப்போம் என்ற சமாதான பேச்சையும் மீறி கிளம்பி விட்டான்.வெளியே அநியாயகார்ன்(பாப்கார்ன்) வாங்க மற்றும் அவனை வழியனுப்ப வாசல் வரை வந்த போதுதான் விக்ரம் & குழு உள்ளே உள்ளதை அறிய முடிந்தது.

இந்த படத்தை நாங்கள் விமர்சித்ததையும் அதை தொடர்ந்து நண்பன் கிளம்புவதையும் விக்ரமும் அவர் குழுவும் கவனிக்காமல் இருக்க வாய்ப்பே இல்லை.அவர் என்ன எங்களை அடித்தாரா?இல்லை குறைந்த பட்சம் முகத்தைத்தான் திருப்பி கொண்டாரா?படம் முடியும் போது கடுப்பாயி போக கிளம்பி போகாம  திரும்புன  நண்பன் தன் குடும்பத்தோடு விக்ரமோடு புகைப்படம் எடுத்து கொண்டான்.

நாங்க பேசுன விமர்சனத்திற்கு அவரே ஒன்னும் சொல்லல....அவரே எந்த ஆணியையும் புடுங்க வேண்டாம்னு சொன்னாலும் தன்னை போல அன்றாடம் வேலைக்கு சென்று வாழ்வை ஓட்டும் ஒரு ஆட்டோ ஓட்டுனரை அடித்து உதைத்து அசிங்கம் செய்தால் முட்டாள்னு சொல்லாம முழங்கால் போட்டு கும்பிடவா முடியும்?

மாறி மாறி முதல்வர்களை தரும் ரசிக தீவிரவாதிகளும் மதுவை தரும் முதல்வர்களும் இருக்கும் வரை நாளை இது போன்ற ஒன்றுமில்லா காரணங்களுக்கு கொலை கூட விழலாம். 

பின் குறிப்பு : பொதுவாக இது போன்ற சம்பவங்களில் மது ஒரு முக்கிய இடம் வகிக்கும்.தவிர கைது செய்யப்பட்டவர்களும் நம்மை போல சாதாரண மக்கள்தான்.இனி காவல்துறைக்கு பணம்,கோர்ட்டு,கேஸ்,தண்டனை  என்று எத்தனை அலைச்சல்? மன உளைச்சல் ? இது தேவைதானா?

நீங்க தைரியமான ஒரு டேவிட்டா இருந்தா இந்த மாணிக்கமும் ஆட்டோ ஓட்டுறவர்தான்...முடிஞ்சா அடிச்சி பாருங்கடா  :) :) :) :) :)

இன்றைய எனக்கு பிடித்த வெளிச்சம் விழாத பழைய பதிவர் :

              

            மோ.சி.பாலன் பதிவுகள்  

 மோ.சி.கவிதைகள் என்று பெயர் சூட்டலாம்.அருமையான கவிதைகள் படைக்கிறார்.தொடர்ந்து எழுதுவதில்லை...நீங்கள் உற்சாகம் கொடுத்தால் இன்னும் ஜொலிக்கும் கவிதைகள்.முக்கியமான விஷயம் என்னனா இவர் 2008லிருந்து எழுதுகிறார். கீழ் காணும் இந்த பருக்கை அவருடையதே...

லிமரிக் - மங்கை

பொன் வண்டாடவே மலர்ப் பொய்கை
ஆண் திண்டாடவே மாதர் செய்கை
        வங்கமாக் கடலலை போல் பிடிவாதம்
        தங்கமாய் காகிதத்தை மாற்றும் இரசவாதம்
மங்கை கண்ணசைவில் செய்யும் சைகை

	Tweet

எரிச்சலூட்டும் சில பிரபல பதிவர்கள்

சில பிரபல பதிவர்களின் பதிவுகள் நல்லா இருக்குதோ இல்லையோ  அவர்களின் தளம் எரிச்சலை தருகிறது.
                    என்ன பிரச்சனைனா இவங்க எழுத்து நல்லா இருக்குது என்பதாலும்,எப்பவுமே முகப்பு பகுதியில் இருப்பதாலும்,சுண்டி இழுக்குற மாதிரி தலைப்பு வைப்பதாலும்,நாம முதலில் இவங்க பதிவை படிக்க போனா IPL கணக்கா ஒரே விளம்பரம்...
                   விளம்பரத்துக்கு பின்னாடி இவங்க பதிவு..அந்த விளம்பரத்தை மூடிட்டு படிக்கலாம்னு  X க்ளிக் பண்ணுனா புது TAP திறக்குது.இவ்வளவு சோதனையும் கடந்து பதிவை படிச்சா அது விகடனில் வந்ததும்,ட்விட்டரில் ட் விட்டியதும்,ஒண்ணுமே கிடைக்கலைனா மொக்கை படமா பார்த்து விமர்சனம்னு விரட்டி விரட்டி அடிக்கிறதும்....  முடியலைடா சாமி.

                      ஒண்ணுமே அறியாத எனக்கு நிறைய கற்று கொடுத்த தொழில் நுட்ப பதிவு எழுதும் வாத்தியாருங்க சேட்டை இன்னும் அதிகம்.திரையின் நடுவில் என்னோடு முகநூலில் இணையுங்கனு 15 நொடிகள் அதிகாரம் பண்றாங்க.மனுஷனுக்கு படிக்கிற ஆசையே இல்லாம போயிடுது.
                        நல்ல படம் ஒன்றை விஜய் டிவியில் விளம்பரங்களுக்கு நடுவே பார்ப்பது போலத்தான் சில பதிவுகளும்.இன்னும் போக போக விளம்பரத்தின் மேல் க்ளிக் செய்தால்தான் பதிவை படிக்க முடியும் என்று தோன்றுகிறது.
                   சம்பந்தப்பட்ட பதிவர்கள் அளவான விளம்பரத்தோடு பதிவிட்டால் 
  நன்றாக இருக்கும்.பல்சுவை புத்தகம் போல நான் நினைக்கும் வலைப்பூக்கள் வியாபார பூக்களாக மாறிவிடுமோ என்று பயம் தோன்றுகிறது.
            யாரெல்லாம் இப்படி பதிவிடுகிறார்கள் என்று சொன்னால் தனி மனித தாக்குதல் என்று மனித உரிமை ஆர்வலர்கள் உறுமுவார்கள்.எனவே வேண்டாம்.

டிஸ்கி: .இந்த பதிவு முழுக்க முழுக்க என்  தளத்துக்கு ஒரு அறிமுகம் வேணும்கிற சுயநலத்தோடு கூடிய பொது நலத்தோடு எழுதியதே.நமக்குதான் யாரையாவது மெல்லாம தூக்கம் வராதே.(டிஸ்கினா என்னனு எனக்கு தெரியாதுங்க.நிறைய பேரு எழுதுறாங்கனு நானும் எழுதுறேன்.அதுக்கு தமிழில் என்னனு யாராவது சொன்னா நல்லது)

	Tweet