ஜாலியன் வாலாபாக் நினைவு தினமும் இணைய நீதிபதிகளும்

நல்லவேளை அன்றே செத்தீர்கள்!
இன்றைய இணைய நீதிபதிகளின்
குறுக்கு வெட்டு ஆராய்ச்சிகள் 
ஜெனரல் டயரை விட காட்டமானவை...

உனக்கேன் சுதந்திரம் ?
வாலாபாக் என்ன லாலாகடையா?
அங்கே சுதந்திரம் என்ன அல்வாவா?
ஏன் சென்றாய் கொழுப்பெடுத்து?

உயிரை கொடுக்க சென்றபின்
ஓலமென்ன?
காந்திக்குத்தான் அறிவில்லை ...
உங்களுக்கெங்கே போச்சு அறிவு?

சாவது உறுதியான பின்னும்
போரிட்டா செத்தீர்கள் கோழைகளா?
உண்மைய சொல்லுங்கள்
தூர்வாரத்தானே கிணற்றில் குதித்தீர்கள்?

உழைக்க மாச்சப்பட்ட உங்களுக்கு
சம்பளம் யார் கொடுத்தால் என்ன?
சோம்பேறி கூட்டத்திற்கு
டயர் தந்த சம்பளம் சரிதானே ...

நானா சுமக்க சொன்னேன் என்ற
அறிவார்ந்த கேள்வியோடு
பெற்றவளை பலி போடும் சமூகத்தில்
வாழாது இறந்ததே நலம் உங்களுக்கு ..

நல்லவேளை அன்றே செத்தீர்கள்
இன்றைய இணைய நீதிபதிகளின்
குறுக்கு வெட்டு ஆராய்ச்சிகள்
ஜெனரல் டயரை விட காட்டமானவை
இரக்கமற்றவை ....

	Tweet

துப்பாக்கிக்கு ஓய்வில்லாது போயிருக்கும் நேதாஜி ....

மாபெரும் தலைவன் நேதாஜி சுபாஷ் சந்திர போஸிற்க்கு 

சற்று சீக்கிரமாகவே சென்று விட்டாய் நீ
உனது துப்பாக்கிக்கு ஓய்வில்லாது போயிருக்கும்...

நீ கொடுத்த நெருப்பில்

கொளுத்தப்படுகிறது குடிசைகள் ...
நீ கொடுத்த சுதந்திரத்தில்
களித்து கிடக்கிறது முதலாளிகள் கூட்டம்!

வெள்ளையனை வேண்டியவன் மாவீரன்

காந்தியை கொன்றவன் கடமை வீரன்
சிலைகளில் சிரிக்குது தேசம்
வலைகள் பின்னுது மத வெறிக்கூட்டம் !!

நீ விட்டு சென்ற ராணுவமோ

வேலி வைத்து காவல் காக்க ..
கதவுகளை திறந்து களவுக்கழைக்குது
களவாணி கட்சிகளின் கவர்மெண்டுகள்!

நீ சிரித்து புரள ஒரு காட்சியுண்டு தலைவா...

மதயானைக் கூட்டமொன்றின் ஊர்களில்
உனக்கும் மஞ்சளடித்து வைத்துள்ளனர்
தெய்வத்திருமகன் ஜாதியாக .....சிரித்து கட !

நீ நினைத்த நாடல்ல இது...

நீ நினைத்த சுதந்திரமல்ல இங்கு...
கோட்சேக்கு கொடி பிடிக்கும் தேசத்தை
நீ காணாது கடந்ததே நலம் !

சீக்கிரமாய் சென்று விட்டாய் தலைவா நீ ...

உனது துப்பாக்கிக்கு ஓய்வில்லாது போயிருக்கும் !!

-சதிஷ் செல்லத்துரை

	Tweet

இந்துத்துவாவை மறைமுகமாக வளர்ப்பவர் யார்?-திரு.கோவி கண்ணனுக்கு பதில் பதிவு

பதிவர் திரு கோவி கண்ணனின் இந்தப்பதிவை  மேற்போக்காக கவனித்தால் அவரின் எதிர்கேள்விகள் நியாயமானவையாக இருக்கும்.ஆனால் உண்மையில் அவரின் வாதங்கள் அபத்தமானவையாக தோன்றியது எனக்கு.கீழே சிகப்பு வண்ணத்தில் உள்ளவை அவரின் பதிவாகும்.

இன்னிக்கு செய்தி ஒன்றை படித்தேன், 'நாணயத்தில் ஸ்ரீவைஷ்ணவதேவி உருவப்படம்: - ' முஸ்லிம் அமைப்புகள் கண்டனம். இந்தியாவில் கண்டனம் செய்வதற்கு காரணங்களே தேவை இல்லை. ஏதாவது ஒன்றை தமக்கு எதிர்ப்பாக நினைத்துக் கொண்டாலே போராட்டம், சாலை மறியல், மனு கொடுப்பது உள்ளிட்டவற்றை செய்துவிடலாம்.
காலம் காலமாக பணத்தை லெட்சுமி, தெய்வம் என்ற பொருளில் தான் இந்தியர்கள் நம்பிவந்தார்கள், இன்றும் நம்பிக் கொண்டார்கள், ஒருசிலரின் மதமாற்றத்திற்கு பிறகு ஒட்டுமொத்தமாக அனைவருமே அந்த நம்பிக்கையை தூக்கி எரியவேண்டும் என்கிற எதிர்பார்ப்புடன் அனைவரும் 'மதச்சார்பின்மை' என்ற போர்வைக்குள் ஒளிந்து கொள்ளவேண்டும் என்பதை நான் ஏற்றுக் கொள்ள மாட்டேன்.

காலம் காலமாக நீங்கள் சொல்லும் இந்தியர்கள் எந்த காலத்திலிருந்து லெட்சுமியை நம்பினார்கள்?ஆங்கிலேய ஆட்சியில்தான் இநதியா என்று ஒன்று உருவானது என்றும் அது சுதந்திர இந்தியாவாக மாற  காலம் காலமாக வாழும் இந்துக்கள் மட்டுமல்லாது மதம் மாறியவர்களும் போராடினார்கள் என்பதை மறந்து விடலாகாது.அவர்களில் பலர் பாகிஸ்தான் செல்லாதது  இந்த மதச்சார்பின்மை அரசின் மீதான நம்பிக்கையில்தான்.அந்த அரசு ஒரு மதத்துக்கான கடவுளை அதன் குறீயீடுகளை முன்னிறுத்துவதை என்னவென்று அர்த்தம் கொள்ள?

"இஸ்லாமியர்கள் எதிர்ப்பு "என்று  செய்தியை தந்த ஊடகத்திற்கு இருந்த குசும்பை அப்படியே கோவி அவர்களும்  வாந்தி எடுத்தது அறியாமையா? ஏனெனில் அவரின் பதிவின் பின்னூட்டத்திலேயே செய்தியின் விபரம் தரப்பட்டுள்ளது சகா  என்பவரால்...  

###ரிசர்வ் வங்கி செய்த இந்த செயல் சாத்தியம் என்றால் எல்லா மத கடவுளையும் போடவேண்டும் இல்லையேல் இதுக்கு வருத்தம் தெரிவித்து சர்ச்சைக்கூரிய இந்த நாணயங்களை திரும்ப பெற வேண்டும். //

http://www.nakkheeran.in/Users/frmNews.aspx?N=119002###

'எல்லா மத கடவுள் படமும் வெளியிட இஸ்லாமியர் கோரிக்கை' என்றும் பத்திரிக்கைகள் செய்திக்கு தலைப்பிடலாம்...போண்டியாகாதே.

'ஹலல்' என்ற எழுதப்பட்ட கறிவிற்கும் கடையில் 'அல்லா சாமியை வேண்டி' வெட்டியதை நாங்கள் வாங்கமாட்டோம் என்று ஏனைய மதத்தினர் புறக்கணித்தால், கறிக்கடைக்காரர் வயிற்றில் ஈரத்துணியை நனைத்துப் போட்டுக் கொள்ள வேண்டியது தான், இதெல்லாம் விட நாத்திகரும் வாழும் நாட்டில் குழாய் ஒலிப்பெருக்கியில் 'அல்லாஹு அக்பர்' தொழுகை நேர அறிவிப்பு மற்றவர்களின் மதசார்பின்மையெல்லாம் கேட்டு தான் பின்னர் எழுப்பப்படுகிறதா ?

கிட்டதட்ட 95 விழுக்காடு நெல்வயல்களும் தாணியங்களும் பயிறிடும் முன் விருப்ப தெய்வத்திற்கு வேண்டிவிட்டு தான் விதைக்கப்படுகின்றன, அது போன்று அறுவடையில் முதலில் படையலுக்கு எடுத்துவைத்துவிட்டு தான் பிறகு விற்பதற்கான தாணியங்களை அறுத்து எடுக்கிறார்கள், ஏன் விளைச்சல் நன்றாக விளைந்தால் தான் நம்பிய கடவுள் கொடுத்தவையே அவை என்று நம்புகிறார்கள். மேற்கண்ட போராட்ட அமைப்புகள் இந்த தாணியங்களையெல்லாம் வாங்கி உண்ணாமல் எதை உண்ணுகிறார்கள் ? மதச்சார்பற்ற தாணியங்கள் என்று ஏதேனும் விளைகிறதா ?

கறிக்கடை பாய் ஒன்றும் அரசாங்க கடை இல்லை.காய்கறி கடையானாலும் அவனவன் மத கடவுளை கும்பிட்டுதான் வியாபாரத்தை ஆரம்பிக்கிறான்.அதனால் இஸ்லாமியன் இந்து கடையிலும் கிருத்துவன் இஸ்லாமிய கடையிலும் போகாமவா இருக்கிறான்.எதுல எதை தேடுகிறீர்கள்? உங்களுக்கு அப்படியேதும் ஆசையா என்ன? இல்லை மறைமுக மிரட்டலா? .

ஒலிபெருக்கியில் அல்லாஹ் அக்பர்,அல்லேலுயா ,சரணம் ஐயப்பா,கடவுள் இல்லவே இல்லை என அனைத்தும் ஒலிக்கத்தான் செய்கிறது.அந்த சுதந்திரம்தான் மதச்சார்பின்மை.அதில் ஒரு மதத்துக்கு மட்டும் அரசாங்கம் ஒலிபெருக்கியில் பிரச்சாரம் செய்தால்? தனி மனிதனுக்கும் அரசின் செயல்களுக்கும் வேறுபாடு இல்லியா?

உலகிலேயே இஸ்லாமியர்கள் மக்கள் தொகையில் முதலில் இருக்கும் இந்தோனிசியாவில் பிள்ளையார் படத்தை ரூபியாவில் அடித்து புழக்கத்தில் விட முடிகிறது, இராமயண நாயகர்களை, இந்து கோவில்களை பணத்தில் அச்சடித்து விட முடிகிறது, அங்கெல்லாம் அந்த நாட்டு இஸ்லாமிய அமைப்புகளிடம் எந்த எதிர்ப்பும் இல்லை.

இந்தோனேசியர்கள் போல இங்கேயும் மாற்று மதத்தினரின் கடவுள்களுக்கு மதிப்பளியுங்கள் என்றுதானே கேட்கிறார்கள்.

தீவிரமாக இந்து நம்பிக்கைக் கொண்ட ஒருவன் மேற்கண்ட செய்தியைப் படித்தால் தனக்குள்ளே கேள்வி கேட்கவே மாட்டானா ? இந்து பெரும்பான்மை உள்ள ஒரு நாட்டில் தங்கள் நம்பிக்கை சார்ந்த ஒன்றை கவுரவப்படுத்தும் பொழுது அதனை எதிர்ப்பது தனது நம்பிக்கையை மதிப்பதையும் எதிர்ப்பதாகும் என்று நினைக்கமாட்டானா ?

மீண்டும் மீண்டும்  'எதிர்ப்பு' என்ற வார்த்தையை கூறி அரசியல் ஆதாயம் தேடுவதை போல உள்ளது இந்த வாதம்.அதைத்தான் தற்பொழுது வேகமாக கட்டமைத்து ஆட்சிக்கு அடி போடுகிறார்கள் ஒரு சில கட்சியினர்.தெலுங்குக்கு எதிராக தமிழர் ஒற்றுமை ....இஸ்லாமியருக்கு எதிராக இந்து ஒற்றுமை ,தலித்துக்கு எதிராக அனைத்து சாதி கூட்டமைப்பு என அரசியல் ஆதாயத்துக்கு கட்சியினர் செய்யும் சூழ்ச்சி பிரச்சனைகளை தருமே அன்றி தீர்வை அல்ல.

மதச்சார்பின்மை என்பது எனது எல்லைக் கோட்டிற்குள் நீ வராதே என்பதாகவே புரிந்து கொள்ளப்படுகிறது, அதனால் இந்தியாவிற்கு தேவை மதச்சார்பின்மை அல்ல மதச் சகிப்புத் தன்மையே. இவர்களின் எதிர்ப்பு தேவையற்ற காழ்புணர்வுகளையும் இந்துத்துவத்தை வளக்கவே உதவும். இவர்களது வைஷ்ணவி உருவம் பதிக்கப்பட்ட நாணய எதிர்ப்புணர்வும், இஸ்லாமியர் கடைகளில் பொருள் வாங்காதே என்கிற இந்துத்துவ கோஷமும் ஒன்றே.

இஸ்லாமிய கடைகளில் பொருள் வாங்காதே என்ற கோஷம் இஸ்லாமியர்களைத்தான்  எதிர்க்கிறது(அரசை அல்ல).ஆனால் இஸ்லாமியர்கள் அரசின் ஒரு பக்க சார்பை எதிர்க்கின்றனரே அன்றி இந்துக்களை அல்ல.அதுதான் வித்தியாசம்.இதில் இந்துத்துவத்தை வளர்ப்பது இந்துத்துவம் என்ற வார்த்தையை கண்டுபிடித்த சிலரின் பரப்புரையே அன்றி வேறென்ன? அரசின் மீதான விமர்சனத்தை இந்துக்களின் மீதாக திரித்து விடும் சூழ்ச்சி தெரியவில்லையா?

இன்னும் இவர்கள் தமிழ்நாட்டு அரச முத்திரையில் இருக்கும் கோபுரத்தை தூக்கவேண்டும் என்று சொல்லாதது வியப்பளிக்கிறது, ஒருவேளை தமிழ்நாட்டின் அரசு சின்னத்தில் கோபுரம் இருப்பதை இவர்கள் கவனிக்கவில்லையோ என்று தான் எண்ணத் தோன்றுகிறது.

தமிழ் நாட்டின் கோபுர சின்னம் ஒருவேளை இப்போது அமைவதானால் கட்டாயம் எதிர்ப்பு கிளம்பியிருக்கலாம்.ஏனெனில் இணக்கத்தோடு வாழ்ந்து வரும் சமூக அமைப்பில் பெருந்தன்மையை,அரவணைத்து அழைத்து செல்வதை முட்டாள்தனமாக சித்தரித்து வரும் கூட்டணிகள் பெருகி வரும் சூழ்நிலையில் தற்போது எதிர்ப்பு கிளம்பலாம்.இதற்கு முன் ஏன் யாரும் எதிர்க்கவில்லை என்று யோசித்தால் விடை என்னவாக இருக்கும்?

மேற்கண்ட போராளிகள் ஏனைய இஸ்லாமிய நாடுகளில் ஏதேனும் ஒருவகையில் மதம் அல்லது வேலை ஆகிவற்றில் தொடர்பு வைத்திருப்பவர்கள் தான், இவர்கள் ஏன் அந்த நாடுகளில் இவர்கள் விரும்பும் மதசார்பின்மையை பரிந்துரைத்து ஏக உலகத்தில் மதசார்பு அற்ற அரசுகள் ஏற்படுவதை முன்னெடுக்கக் கூடாது ?

கட்ட கடைசில அரசை மாற்ற சொல்லி சொல்லிருக்கிறார் கோவியண்ணா.ஆனா அதுவும் நம்ம அரசை அல்ல. முதல்ல உங்க நாட்டுல கேளுங்கடான்னு கேட்டுட்டா என்ன செய்றதுன்னு இங்கே இப்படி இஸ்லாமியர்கள்  நினைக்குறாங்களோ என்னவோ? :)

மதம் ஒன்றல்ல இரண்டல்ல பல நூறு உள்ளது இந்தியாவில்.ஒருவர் தமது வலைப்பூவில் வெளியிடும் பதிவிற்கும் அரசு தமது அறிக்கையாக தருவதற்கும் வித்தியாசம் இல்லியா? 

இங்கு அறுதிப்பெரும்பான்மையான இந்துக்கள் மிக இயல்பாக மாற்று மதத்தினரோடு அன்பு பாராட்டி வாழ்ந்து வருகின்றனர்.சுக துக்கங்களில் பங்கு கொள்கின்றனர்.தற்போதைய சூழ்நிலையில் அதற்கு பங்கம் வரும் ஆபத்து வேதைனைக்குரியது. 

கேடு கெட்ட அரசியலுக்கும் ஆட்சிக்கும் ஆசைப்பட்டு மக்களின் ஒற்றுமையை உடைப்பது யார் என்பது அனைவருக்கும் தெரியும்.வளரவேண்டியது இந்துத்துவமோ இஸ்லாமியத்துவமோ அல்ல.அன்புத்துவமே.

எல்லா மதத்தின் படத்தையும் அச்சிடுவதை விட யாதொரு மத கடவுள்கள் படமும் இல்லாத படமாக அச்சிடலாம் என்பது எனது தாழ்மையான கருத்து.

இலங்கையில் ஸ்ரீ என்ற எழுத்து பெரும்பான்மை சிங்களர்களின் குறியீடாக தமிழர்களுக்கு தோன்றியது போலத்தான் இதுவுமா? கருத்துக்களை பகிரலாம்.

இது பின்னூட்டமாக அந்தப்பதிவில் இடப்பட வேண்டியது.ஆனால் பெரிதாகிப்போனது பதில்.அத்தோடு இதை பதில் பதிவாகவும் இட மனதில்லாமல் இருந்தேன்.காரணம், கோவியண்ணாவின் பதிவு வந்து  ஒரு மாதத்திற்கு மேலானதாலும்  தீவிரவாதி என்றும் இஸ்லாமியன், இஸ்லாமிய ஆதரவாளன் என்றும் எனது மேலான முத்திரை விழுந்துள்ளதாலும் ஒரு தயக்கம் இருந்தது.

நம்மால்தான் இருக்க முடியாதே....போட்டாச்சு.....விவாதிக்கலாம்.கருத்துக்களை பகிருங்கள்.வெளியே சொல்ல மனசில்லையானாலும் நியாய தர்மத்தை ஒத்துக்கொள்ளும் பக்குவம் அடுத்தடுத்த பதிவுகளில் வெளிப்படலாம்.நன்றி.

	Tweet

குண்டுவெடிப்பு- துண்டாடப்படும் ஒற்றுமை

சென்னையில் குண்டுவெடிப்பு......ஊடகங்களுக்கு கொண்டாட்டமாக் இருந்தாலும் அதன் செய்தியாளரை மூச்சு விடாமல் பதட்டமாக பேச விட்டு உங்களையும் அதன் ஓட்டத்தில் இணைத்திருப்பர்.அந்த பதட்டத்தை அது தனக்கு கூலி கொடுக்கும் கட்சிகளுக்கோ இல்லை அது சார்ந்த சித்தாந்தத்தின் சார்பாகவோ குற்றவாளியாக முன்னிறுத்தும்.அந்த குற்றவாளிகள்தான் நிகழ்ந்த மற்றும் நிகழப்போகும் அனைத்து குற்றங்களுக்கும் பொறுப்பு.

புதியதலைமுறையில் குண்டு வெடிப்பு என்று முக்கிய செய்தி ஓட செய்தியாளர் இது குண்டுவெடிப்புதானா என அதிகாரிகள் ஆய்வு செய்கின்றனர் என கூறுகிறார்.பரவாயில்லை கண்முன் நடந்ததுதானே விடுங்க.அதனை தொடர்ந்து நேற்று கைது செய்யப்பட்ட தீவிரவாதி சென்னையை தகர்க்க திட்டமிடப்பட்டது குரிப்பிடத்தக்கதுன்னு முத்தாய்ப்பாக தமது எதிராளியை குற்றவாளியாக நிறுத்துகிறது..

ஒரு குண்டுவெடிப்பிற்கு பின் எந்த அடிப்படையில் இவர்களாக தீர்மானிக்கிறார்கள் என தெரியவில்லை.இப்படியான சூழ்நிலையில் காவல்துறை பல தீவிர ஆய்வுகளுக்கு பிறகே தமது விசாரணையின் கோணத்தை ஆரம்பிக்கும்.

வெடிகுண்டின் மூலப்பொருட்கள் என்ன? அது அதிகமாக கிடைக்குமிடம் எது? அதன் விற்பனையில் யார்? யார்? இதற்கு முன் இப்படியான மூலப்பொருட்கள் அடங்கிய குண்டு வெடிப்ப்பு யார் செய்தது? எங்கு?அவர்களுக்கு இங்கு ஆதரவு நிலை எப்படி?

குண்டு வெடிக்கப்படும் விதம் வேறு சம்பவங்களோடு ஒத்து வருகிறதா? அதில் சம்பந்தப்பட்டவர்களின் தொடர்புக்கு இங்கு வாய்ப்புள்ளதா? அனுதாபம் உண்டா? நாள் ,கிழமை என பல விடயங்கள் ஆராயப்படும்.

குண்டு வெடிக்க வைக்கப்படும் விதம் கொண்டும் விசாரணை அவசியப்படும்.ரிமோட் எனில் ஆள் அந்த பகுதியில்தான் இருந்துள்ளான்.வேறு முறைகள் எனில் அந்த குண்டு எங்கு பொருத்தப்பட்டது? அந்தப்பகுதிகளை குறித்த விசாரணை...

குண்டுவெடித்த பகுதிகளில் உள்ள சமூக பிரச்சனைகள்,அதன் தீவிரம் என்ன?

இப்படியாக இன்னும் சொல்லிக்கொண்டே போகலாம்.ஆனால் அதற்கு  முன்னேயே ஊடகங்கள் தமது எதிரியை இல்லை எவரையாவது குற்றவாளியாக்கி கொலை செய்ய துடிப்பதுதான் வேதனையே.

இதனைப்போன்ற தொடர் செய்திகள் இஸ்லாமியர்களை தீவிரவாதிகளாக சித்தரித்தல் மூலம் மிகப்பெரும் நஞ்சை விதைத்து வருவது புரிகிறதா? நெல்லை என்பதால் எனது தம்பி மட்டும் ஒரு ஹோட்டலில் அருவா கத்தி இருக்கிறதா என சோதிக்கப்பட்டபோது கூனி நின்றான்.அதை இஸ்லாமியர்களுக்கு பொருத்தி பார்க்கும்போது உண்மையை புரிந்தும் கொண்டான்.

திருநெல்வேலியில் கொலை நடந்தது என்பதால் நானும் கொலைகாரனா?அங்கு சாதி கலவரம் நடந்தால் நானும் சாதி வெறி பிடித்தவனா? இல்லை மத்த ஊரில் கொலைகள் நடக்கலியா? மத்த ஊர்களில் சாதி வெறியே இல்லியா?அனைத்தும் அனைத்திலும் உள்ளது.ஆனால் ஹரி காட்டியதும் விதைத்ததும் நெல்லையாச்சே....

இதனை இஸ்லாமியர்களுக்கும் பொருத்தி பாருங்கள்.உங்களோடு பணிபுரியும் இஸ்லாமியர்,இங்கு பதிவெழுதும் இஸ்லாமிய பதிவர்கள்,உங்களோடு பள்ளியில் படித்த இஸ்லாமியர் இவர்கள் வெடிகுண்டுகளோடு சுற்றுகிறார்களா என்ன? என்னோடு படித்த சாகுல் ஹமீது டீக்கடையில்தான் வேலை பார்க்கிறான்.அவனையும் ஸ்லிப்பர் செல் என்று வக்கிர எண்ணத்தின் நவீன பதிப்பான துப்பாக்கியில்  முருகதாஸ் எச்சரிக்கை செய்கிறார்.இயல்பான ஒருவனின் வாழ்வை உடைத்துப்போட்டு அவனை தீவிரவாதியாகவே மாற்றி விடுதல் சரிதானா?

மல்டிப்ளக்ஸ் மாலில் ஆயிரம் கண்கள் தையலிடப்பட்ட செருப்பையே உற்று நோக்குவதை போல கூனி நழுவி செல்லும் நிலையில் நம்மோடு உடன் வாழும் ,நம்மைப்போலவே அண்ணாச்சி கடையில தேங்காய் சில்லு கடன் வாங்கி துவையலும் பழைய சாதமுமாகத்தான் வாழ்க்கையை நகர்த்துகின்றனர் பல இஸ்லாமியர்கள்..எங்கிருந்து வந்தது வெறுப்பு?

பயணங்களில்,தங்கும் விடுதிகளில்,கல்லூரிகளில்,வேலை பார்க்குமிடத்தில் என ஒவ்வொரு இடத்திலும் நம்மோடு பயணிக்கும் சக மனிதனை சந்தேகிக்க தூண்டியது அரசியலன்றி வேறென்ன?

சக மனிதனை தனிமைப்படுத்தும் இந்த செயலை அப்படியே ஏற்றுக்கொண்டு சமூக வலைதளங்களில் இணைந்து கொண்டு  சமூகத்தை உடைத்து போடுகிறோம் நாம்.

சமீபத்தில் உயிரிழந்த ராணுவ அதிகாரியின் பிணத்தில் பார்ப்பனனை கண்டு பிடித்த மேதாவித்தனத்திற்கும் வக்கிரத்திற்கும்  சற்றும் குறைவில்லாதது இஸ்லாமியனை தீவிரவாதியாக சித்தரித்து சிரிக்கும் வக்கிரம்.

ஒவ்வொரு குண்டுவெடிப்பிலும் பிழைத்து வாழும் ஒரு இஸ்லாமியன் உளவியல் ரீதியாக தாக்கப்பட்டு கொண்டிருக்கிறான்.குஜராத் கொலைவெறியில் ஆவேசமாக வாளேந்திய அசோக் மோசசி என்பவர் இன்னும் அசோக் மோசசியாகத்தான்  (மோசசி-செருப்பு தைப்பவர்) இருக்கிறார். தூண்டி விட்ட அரசியல்வாதிகள் மந்திரிகளானார்கள்.பிரதமராக வரும் வாய்ப்பு  வரை முன்னேறுகிறார்கள் .ஆனால் மோசசி?இன்னும் செருப்புதான் தைத்து வருகிறார்.

என்னால் உறுதியாக சொல்லமுடியும்...ஒவ்வொரு இந்தியர்களிடத்தும் இந்துவாக்கி இஸ்லாமியனை எதிரியாக்கி இந்துக்களை ஒன்றுபடுத்துவதாக அரசியல் லாபம் பார்ப்பதுதான் கட்சிகளின் திட்டமிடப்பட்ட ஒற்றுமை உடைப்பு பரப்புரைகளும்  ,செயல்பாடுகளும் .

ஊடகங்களுக்கும் அரசியலுக்கும் பணம் கிடைக்கலாம்..நமக்கு இழப்பில்லையா?நாஞ்சில் மனோவின்  மூக்கு துடைத்துவிட்டு தோசை ஊட்டிய முஸ்லிம் அண்ணாச்சியை  கடைசி காலத்தில் தனித்து செல்ல விரட்டியதை தவிர வேறென்ன கிழித்தது இந்த மதப்பற்று? வாப்பாக்களும் தாத்தாக்களும் பேரன்களை ஒன்றாகத்தான் விளையாடவும் படிக்கவும் பழக்கியிருந்தனர்.உங்கள் பிள்ளைகளை எப்படி அனுமதிக்க போகிறீர்கள்?


எண்ணற்ற சந்தேகக்கைதிகளாக வாழ்வை தொலைத்து கிடக்கும் அப்பாவிகளுக்கும் நிமிர்ந்து உரிமை கொண்டாடிய ஊரில் செய்யாத தவறுக்கு வெட்கி குனிந்து செல்லும் பாசக்கார அண்ணாச்சிகளுக்கும் இந்தப்பதிவு அர்ப்பணம்.

	Tweet

டெல்லி போராட்டமும்...விபச்சார ஊடகங்களும்...

டெல்லியை கலக்கி கொண்டிருக்கும் போராட்டங்கள் பல பல உண்மைகளை உறுத்தலாக உணர்த்தி கொண்டு உள்ளது.....பெண்கள் எதிர் கொள்ளும் பாலியல் கொடுமைகளை மொத்த டெல்லியும் எதிரொலிப்பதாக ஊடகங்கள் பிரச்சாரம் செய்கின்றன.இந்தியாவின் இதயத்தின் மீதான போர்  என்ற சட்டிஸ்கர் பிரச்சனை குறித்த உண்மையான  அருந்ததி ராயின் வார்த்தைகளை மாற்றி போட்டு டெல்லி போராட்டத்தில் பணம் பார்க்கிறது இந்திய விபசார ஊடகங்கள்.

கண்டிக்கத்தக்க கேவலமான ஒரு குற்றம் நடந்தது என்பதில் எந்த கருத்து வேறுபாடும் இல்லை.ஆனால் இந்த போராட்டங்கள் எதை நோக்கி நகர்கிறது?என்ன கேட்கிறார்கள்?டெல்லி போலீஸ் மட்டும் பொறுப்பேற்க வேண்டுமா?கைது செய்து நீதிமன்றத்தில் கொடுத்த பின் அவர்களின் வேலை என்ன?இதற்க்கு மேல் என்ன செய்ய சொல்கிறார்கள்?என்கவுண்டர்?

இது ஒரு பாலியல் வன்முறை என்றால் ....பல இடங்களில் மயக்க மருந்து மூலமாக ..மயக்கும் வார்த்தைகள் மூலமாக  சக வகுப்பு மாணவிகளை அனுபவித்து கழட்டி விட்ட மைனர்கள் செய்வது மிதவாத கற்பழிப்பு என்று எடுத்து கொள்ளலாமா?

அவற்றுக்கு என்ன தண்டனை கொடுக்கலாம்?அப்படி கொடுப்பதானால் இன்று டெல்லியில் போராடும் பல பேர் தலை குனிந்து திரும்பி போகலாம்.நீதி வேண்டும் நீதி வேண்டும் என்ற குரல்களுக்கு ஒரே நாளில் சோனியா இறங்கி வருகிறார்.வருடக்கணக்கா போராடும் கூடங்குள மக்கள் என்ன சோனியாவுக்கு அக்குளில் வளரும் தேவையில்லா மசுரா?

புனிதா என்றொரு சிறுமி கற்பழிக்கப்பட்டு கொல்லப்பட்டு கிடக்க அதுக்காக குரல் எழுப்ப நாதியில்லா நடிகனுங்க டெல்லிக்கு நீதி கேட்டு தெரு தெருவா நடக்குறாங்க.ஈழம்,கூடங்குளம் என்று தமிழ் பெண்கள் கற்பழிக்கப்பட்ட போது வராத ஆத்திரம் இப்ப வருதுனா என்ன அர்த்தம்?வெள்ளைக்கார மூத்திரம்னா மணக்குமோ?

அரசையும் போராட்டக்காரர்களையும் விட மிக தீவிரமாக இயங்குகிறது விபசார ஊடகங்கள்(விபசார தொழிலாளிகள் மன்னிக்கவும்).டெல்லியில் கூச்சல் தொடங்கிய நாளின் மாலை வரை கிட்டத்தட்ட ஒரு லட்சத்து இருபதாயிரம் SMSகள் வந்ததாகவும் மக்கள் மிக எழுச்சியோடு உள்ளார்கள் என்றும் வர்ணனை செய்கிறது ZEE நியூஸ் .ஒரு SMSக்கு மூணு ரூபாய்னா அன்னைய பொழுதுக்கு இது மூலம் மட்டும் எவ்வளவு வருவாய்?மிச்ச நாட்களுக்கும் கணக்கு பாருங்க..

ENTERTAINMENT SPECIALலாம் நான் சொல்லல...BIG TV சொல்லுது.

போராட்டம் செய்பவர்களின் கூச்சலை விட ஊடகத்தினர் கூச்சல்தான் அதிகமா கேட்கிறது.நாட்டின் முதல் கற்பழிப்பு போலவும் மற்ற மாநில மக்களோ இல்லை எளிய குடும்ப பெண்கள் கற்பழிக்கப்பட்டாலோ வெறும் செய்தியாக கடத்திய ஊடகம் கார்ப்பரேட் மாயையின் விளிம்பில் நிற்பவர்களை வைத்து கூத்தடிகிறது.

டெல்லியின் வாலிபி ஒருவர் இவ்வாறு சொல்கிறார்..இந்தியாவில் ஷீலா தீட்சித் மற்றும் சோனியா மட்டுமே பாதுகாப்பாக இருக்கிறார்கள்.டெல்லி பெண்களுக்கு சமூக விரோதிகளிடம் இருந்து பாதுகாப்பு கேட்க அரசும் காவல்துறையும் உள்ளது.காஷ்மிர பெண்களுக்கு ?அரசப்பயங்கரவாதம்,கற்பழிப்புகளை எங்கு போய் கேட்க?

காஷ்மீர்,சட்டிஸ்கர்,வடகிழக்கு மாநிலங்களில் நடக்கும் மிக கொடூரமான கற்பழிப்புகளை காண்பிக்காத ஊடகமும் சரி...அதனை செய்தியாக மட்டுமே கூட கவனியாமல் அனுதாபப்பட கூட நேரமில்லாமல்  நகந்து கொண்ட மக்களும் சரி இவர்கள் இருவரும் இன்று தெருவிற்கு வந்துள்ளனர்.சகோ நிஷா மன்சூர் சொன்னது நியாபகத்திற்கு வருகிறது " அவனவன் பிருஷ்டத்தில் நெருப்பு பற்றாதவரை எவனுக்கும் சொரணை இல்லை "இப்போதாவது கூடங்குளம் முதல்,காஷ்மீர்,வடகிழக்கு,சட்டிஸ்கர் எளிய குடும்ப பெண்களின் மீதான அரச வன்முறைகளின்,அரச கற்பழிப்புகளின் வலியை உணர்வார்களா?

காஷ்மீரில் கல்லெறிந்தால் கலவரக்காரர்கள்.டெல்லியில் கல்லெறிபவர்கள் போராட்டக்காரர்கள்....இது எப்படி இருக்கு? ஊடக தர்மமா இல்லை ஊடக விபச்சாரமா?

அரசியல் ஆதாயங்களுக்காக அனைத்து அரசியல்வியாதிகளும் சாக்கடையில் முத்தெடுக்க கிளம்பியுள்ள நிலையில் சென்னையில் நடிகர் அப்பாஸ் சைக்கிள் பேரணி நடத்துகிறார்.சுகாஷினி பதாகை ஏந்தி சாலையில் நிற்கிறார்.இவிங்களுக்கு வெறும் டெல்லில நடப்பது மட்டும்தான் தெரியுமாம்.....தூத்துகுடில நடந்தா அது தெரியாதாம்.ஈழ கொடுமைகளுக்கு அரசுக்கு பயந்து பேசாத வாய்கள் அழாத கண்கள் இன்று ஓலமிடுகின்றன.ஓநாயை போல.(ஓநாய் மன்னிக்கவும்)

இந்த பதிவின் மூலம் நான் எதிர்பார்ப்பது இன்று ஊடக வாயிலாக ஒரு சேர கருப்பு பொட்டு வைக்கும் நெஞ்சங்கள் தயவு செய்து ஒடுக்கப்பட்ட,சிறுபான்மை,தமிழக,ஆதிவாசி பெண்கள் பாதிக்கப்ப்படும்போதும் குரல் கொடுக்க வேண்டுகிறேன்.கீழ் காணும் புகைப்படத்திற்கும் காணொளிக்கும் குரல் கொடுக்கா மக்கள் இன்று எழுச்சியடைவது வெறும் ஊடக மயக்கமாகவே தோன்றுகிறது.
படிக்க இங்கே சுட்டுங்கள்

காணொளி காண இங்கே சுட்டுங்கள்

வீட்டின் நடுவில் அனைத்து குப்பைகளையும் அள்ளி கொட்டும் தொலைக்காட்சி நிகழ்ச்சிகள் பலவற்றிற்கு தணிக்கை அவசியமாக்க வேண்டும்.டபங் 2 படம் பார்த்தேன்.எனது முன் வரிசையில் இருந்த பதின்வயது பெண்கள் சல்மான்கான் சட்டையை கழற்றிய போது போட்ட கூச்சல் அதிரடித்தது.கரினாகபூரின் ஆட்டத்திற்கு விசிலடித்து சீரோ பிகர் என்று சான்றிதழ் கொடுத்தது பசங்க சமுதாயம்.உடலை கவர்ச்சியாக்கும் மோகமாக்கும் வேலையை செவ்வனே செய்யும் சினிமா,டீவி நிகழ்ச்சிகளை தணிக்கை செய்யாத பட்சம் நீங்கள் ஆணுறுப்பை அறுத்தாலும் ஆசைகளை அழித்துவிட முடியாது.அடிப்படை வேரை அழிக்க வேண்டுங்க

இனி வரும் வாரத்தில் இது போன்ற விளம்பரங்கள் வந்தாலும் ஆச்சரியமில்லை.
"பெண்ணுரிமை போராட்டங்களில் அந்த மூன்று நாட்கள் உங்களை சிரமப்படுத்துகிறதா?இப்போது புதிதாக அறிமுகம் செய்கிறோம் "WHISHPER FREEDOM" நாப்கின்கள்.இதன் சிறப்பான வடிவமைப்பு மூலம் உங்களின் உரிமை போராட்டத்தில் உங்களின் தன்னம்பிக்கையோடு இணைந்து கொள்வதில் பெருமை கொள்கிறது WHISHPER.

இன்றைய தினத்தில் காஷ்மீரிகள் டெல்லி போராட்டத்தில் தங்களை இணைத்து கொள்கிறார்கள் .ஆனால் காஷ்மீரின் வன் கொடுமைகளுக்கு?Kashmiris Saturday joined in to condemn the Delhi shame and demanded punishment to the culprits, almost all of whom have been arrested within days- the latest as far in Bihar today- but sought to question the conscience of the people and national media over similar incidents in Kashmir....மேலும் படிக்க..


ஒவ்வொரு வன்முறைகளையும் அடக்குமுறைகளையும் தன் மீது சுமத்தி பார்த்தால் மிக எளிதாக நீங்கள் கோபப்டுவீர்கள்.இன்று கோபப்படுகிறீர்கள்.ஆனால் அதற்காக  டெல்லி மட்டுமே  போராட்ட களமாகவும்....மற்ற மாநில மக்கள் போராடுவது தீவிரவாதமாகவும் தோன்றினால்....மன்னிக்கவும் ..வரும் காலங்களில் நீங்களாகவே கூட தீவிரவாதத்தை தேர்ந்தெடுக்க வாய்ப்புகள் வரும்.வாழ்க இந்திய ஜனநாயகம்.

பலவித பணிசுமைகளினால் ஒரு மாதத்திற்கு மேலாக பதிவுலகில் காணாமல் போய்விட்டேன்...தொடர்ந்து இணைந்திருப்போம்.நன்றி.

உங்கள் பார்வையில் எனது தவறுகளையும்  உங்கள் கருத்துக்களையும்  மறக்காமல் கருத்துப்பெட்டியில் தரவும்.

	Tweet

காஷ்மீர் முதல் கூடங்குளம் வரை என்ன அருகதை இருக்கு சுதந்திரம் கொண்டாட?

ஒட்டு மொத்த இந்தியாவும் சுதந்திர தினம் சொக்கபானைனு கொண்டாடுறோம் .நாம அடுத்தவங்களுக்கு சுதந்திரம் கொடுக்கோமா?காஷ்மீர் என்பது தனி நாடு என்று சொன்னால் சுதந்திரமாய் அடியும் உதையும் விழும்.சரி காஷ்மீர்  சுதந்தர இந்தியாவின் ஒரு பகுதி என்றால் அவங்க எவ்வளவு சுதந்திரத்துடன் இருக்காங்க என்று அறீவிர்களா?கூடங்குளத்தில் 144..நமக்காக போராடும் அவங்க சுதந்திரத்தை யோசித்தோமா?

நீங்கள் அனுபவித்து பாருங்களேன் இப்படியெல்லாம் உங்கள் ஊரில் நடந்தால்  எப்படி இருக்கும் என்று?

மாலை இருட்டிய பின் காஷ்மீரில் யாரும் வெளியே சுற்ற முடியாது. ராத்திரி நேரம் கருத்தரங்கம் போறேன் பதிவர் கூட்டம் நடத்துறேன்னு திரிஞ்சா அப்ப்புறம் மார்ச்சுவரி போஸ்ட் மார்ட்டம்தான்.அதாவது காலை விடிந்தது முதல் மாலை இருட்டும் வரை மட்டுமே நீங்கள் சாலையில் நடமாட முடியும்.

பகலிலும் அடையாள அட்டை இல்லாமல் சென்றால் சந்தேகத்தின் பேரில் நீங்கள் கைது செய்யப்படலாம்.அடையாள அட்டைகளை ரயில் பயணங்களில் எவ்வளவு நியாபகமாக எரிச்சலோடு எடுத்து செல்கிறோம் நாம்?மறந்து போனால் கைது என்று அறிவித்தால்  எப்படி இருக்கும்?

வாகன சோதனை என்ற பெயரில் உங்களின் வாகனமும் நீங்களும் பலமுறை சோதனை செய்யப்படும்போதும்  தாமதப்படுத்தும்போதும்  எப்படி உணர்வீர்கள்?சுதந்திரமாக?

போர்வைக்குள் குறுந்தகவல் அனுப்பும் அன்பர்களே போராட்ட பரப்புரை செய்யும் நண்பர்களே அங்கே இந்த பருப்பெல்லாம் வேகாது.காஷ்மீரில் குறுந்தகவல் தடை என்பதை அறிவீர்களா?ஒரே நாடு ஒரே சிம் என்று புரட்சி செய்யும் இந்தியா காஷ்மீர் சிம் கார்டுகள் ஜம்மு காஷ்மீர் தவிர்த்து எங்கேயும் செயல்பட அனுமதிப்பதில்லை.அப்படின்னா காஷ்மீர் தேசம் தனி என்பதை ஒப்பு கொள்வீர்களா?

உங்கள் ஊரை எப்போது வேண்டுமானாலும் முற்றுகை இடலாம் முடக்கி வைக்கலாம் சோதனை போடலாம் என்றால் சம்மதிப்பீர்களா?அவ்வாறு செய்யும்போது பெண்களிடம் கொஞ்சம் அப்படி இப்படி என்று நடைபெற்றால் கண்மூடிக்கொள்வோமா?இல்லை கொல்வோமா?

கடைகளில் செய்திதாளால் சுற்றப்பட்டு கருப்பு பாலிதீனில் வைத்து   தரப்படும் நாப்கின் வைத்துள்ள கைப்பையை வேறு ஆண்களிடம் தருவீர்களா சகோதரிகளே? வாகன சோதனையின் போது அவ்வாறு வேற்று மனிதன் தன் கைப்பையை சோதனையின் பேரில் திறப்பதும் நாப்கினை எடுத்து பிதுக்கி பார்க்கும்போது உணரும் அவமானமும் வெறுப்பும் நீங்கள் அனுபவித்ததுண்டா சகோதரிகளே?

ஈழத்தில் லட்சத்திர்க்கு மேல்.

உங்களால் பாதுகாப்புபடை வாகனங்களை மீறி சாலையில் வண்டி ஓட்ட முடியாது.எதிர் பாரா விதமாக நீங்கள் பாதுகாப்பு படை வீரர்களின் வாகனங்களுக்கு வழி தரவில்லை என்றால் பலவித மொழிகளில் உங்கள் பிறப்பு சந்தேகிக்கப்படும்.பதில் பேசும் பட்சம் தாக்கப்படுவீர்கள்.

சந்தேகக் கைதுகளில் தாக்கப்பட்டு உயிரிழக்கும் காஷ்மீரிகளுக்கு குரல் எழுப்ப முடியாது.எழுப்பினால் நமது வீட்டு தொலைக்காட்சிகள் காஷ்மீரில் கலவரம் என்று கலகம் செய்யும்.நாமும் துலுக்க பயலுவளுக்கு வேற வேலை இல்லை என்று மென்று துப்புவோம்.வாழ்க சுதந்திரம்.

கைது செய்யப்பட்ட காஷ்மீரி மனிதர் 35 வயதுக்கு மேல் இருக்கும்.ஆயுதங்கள் எங்கே உள்ளன என்று பல விதங்களில் விசாரணை.அடி உதைக்கு பயந்து அவர் சும்மானாச்சும்  ஓரிடம் சொல்லி கொஞ்ச நேரம் தப்பித்து மூச்சு வாங்க ஏமாந்து திரும்பிய நாங்கள் அவரை முதலில் நிர்வாணப்படுத்தி மல்லாக்க படுக்க வைத்தோம். ஏசு போல கை கால்களை விரித்து வைத்து ஒவ்வொரு கை கால்களின் மேல் ஆளுக்கொருவர் ஏறி நின்று கொள்ள வலுக்கட்டாயமாக திறக்கப்பட்ட அவர் வாயில் வாளி வாளியாக குளிர்ந்த தண்ணீர் மூச்சு திணற திணற  ஊற்றப்பட்டது.வாய் மூடாமல் கெட்டியாக பிடித்து கொண்ட பாவிகளில் ஒருவன் நான்.நீர் நிறைந்த அந்த வாய் மூச்சு காற்றை கேட்குமா? தேசிய கீதம் பாடுமா?

எனது அதிகாரி ஒருவர் மாலையில் சிலரை பிடித்து கொண்டு வந்து தேநீர் கொடுத்து பாயாசம் கொடுத்து அப்புறமாக இரவினில் அடித்து துவைப்பார்.அது அவர் சுதந்திரமாம்.


இப்படி குரல்வளையை இறுக்கி பிடித்து கொண்டு கருத்து சுதந்திரம் தருகிறேன் பேசுங்கள் ஆனால் செயல்படுத்த முடியாது என்பது எப்படி உண்மையான சுதந்திரம் ஆகும்?அதை கொண்டாடுங்கள் என்றால் மனசார எப்படி முடியும்?


காஷ்மீர் மட்டும் இல்லை மணிப்பூர் சத்தீஷ்கர், இப்படி அநேக இடங்களில் இந்தியாவில் சுதந்திரம் கேள்விக்குறியாகவே உள்ளது.இந்த நிலையில் அவர்களை கொடி பிடித்து கொண்டாடுங்கள் என்பது எப்படி?இன்று கூடங்குளமும் கருப்பு கொடி ஏந்தியுள்ளது.

கூடங்குள மக்களும் இந்த சுதந்திர தினத்தை புறக்கணிக்க முடிவு செய்துள்ளார்கள்.அவர்கள் வேறு யாருக்கோ போராடவில்லை.நம் எதிர்கால சந்ததிகளுக்காக அமைதியான முறையில் போராடும் அவர்களின் கோரிக்கைக்கு இந்திய அரசு என்ன பதில் கொடுக்கிறது?144ம் காவதுறை குவிப்புமா?
மணிப்பூரில் சர்மிளாக்கு என்ன பதில் தருகிறது இந்தியா?ஆயுத போராட்டம் ,அகிம்சை போராட்டம் எதுவுமே இந்திய செவிட்டு காதுகளுக்கு கேட்காத போது என்ன செய்வான் சாதாரண மனிதன்?புறக்கணிப்பை விட பெரிய ஆயுதம் எதுவுமில்லை என்றே எனக்கு தோன்றுகிறது.அன்று காந்திக்கும் தோன்றியது போல...ஒத்துழையாமை இயக்கம்.

இந்திய அரசின் மாற்றாந்தாய் மனப்போக்குதான் இன்று தமிழகத்திலும் கருப்பு கொடி ஏற்ற வைக்கிறது.காவேரி தண்ணீர்,முல்லை பெரியாறு,கூடங்குளம், இலங்கையால் தமிழக மீனவர்கள் கொல்லப்படும் அநியாயம்,ஈழப் படுகொலைகள் என்று அனைத்து பக்கமும் தமிழகத்தை புறக்கணிக்கும் இந்திய அரசுக்கு எப்படித்தான் நமது எதிர்ப்பை தெரிவிப்பது? அதன் ஆரம்பம்தான் கூடங்குளத்தில் ஆகஸ்ட் 15ல் கருப்புக்கொடி ஏற்றப்படும்.

அதற்காக இந்தியாவை உடைப்பதா? அது எப்படி என்று பொறுக்க முடியும்? இதற்கான அருந்ததி ராயின் அழகான பதில் படிக்க இங்கே சிரமம் பார்க்காமல் சுட்டவும்

அதெல்லாம் இருக்கட்டும் நண்பர்களே எங்கள்(எல்லை பாதுகாப்பு படை) சுதந்திரத்தை கேப்பீர்களா? சில நாட்களுக்கு முன் நான் தந்த முக நூல் நிலைத் தகவலை படிக்கவும்.

DOCTOR OF BORDER SECURITY FORCE TRAINING CENTRE JODHPUR (NOT MUNNA BHAI MBBS) SAYS TO OFFICER'S COLONY GATE GUARD... 

##"...IF ANY PERSONS OTHER THEN OFFICER RANK ARE(CONSTABLE& HC CONSTABLE) NOT ALLOWED TO RIDE A BICYCLE INSIDE THE OFFICER'S COLONY ... THEY SHOULD GO BY WALK WITH THEIR CYCLE....##"WEATHER WE ARE LIVING IN DEMOCRACY COUNTRY OR NOT? WHICH ACT&RULE SAID ABOUT THIS?


இது எப்படி இருக்கு ? எப்படிங்க சுதந்திர தினம் கொண்டாட?

சக மனிதர்களின் உரிமைகளின் மேல் கொண்டாடப்படும் கொண்டாட்டங்கள் இப்படித்தான் இருக்கும்.கீழே காணும் கொண்டாட்டத்திற்கும்  நாளை தொலைக்காட்சி சகிதம் நாம் கொண்டாடப்போகும் கொண்டாட்டத்திற்கும் என்ன வித்தியாசம் இருக்கும்?கார்ப்பரேட் உலகின் ஆட்சியில் மறைமுக அடிமையாய்  இருக்கும் இந்திய அரசை நாம் இந்த கொண்டாட்டத்தின் மூலம் ஆதரிக்கிறோம் நண்பர்களே.

இதைத்தானே கேட்டாய் பாலகுமாரா ....

நான் கூடன்குளத்து போராட்டத்தை,காஷ்மீர் தேசத்து அடிமை மக்களின் உரிமை போராட்டத்தை,சட்டீஸ்க்கரில் போராடும் பழங்குடி இனத்தின் போராட்டத்தை,சர்மிளாவின் போராட்டத்தை ஆதரிக்கிறேன்.இவர்களை ராணுவம் மற்றும் காவல் துறை கொண்டு அடக்கி ஒடுக்கும் இந்திய அரசுக்கு  இந்த சுதந்திர தின கொண்டாட்டத்தை புறக்கணிப்பதன் மூலம் நான் எனது எதிர்ப்பை  அறிவிக்க விரும்புகிறேன்.

வரும் காலங்களில் ஓட்டு மொத்த தமிழகமும் தேர்தல்களை, சுதந்திர தின கொண்டாட்டங்களை புறக்கணிப்பதன் மூலம் காவேரி நீர் முல்லை பெரியாறு,ராமேஸ்வரம் மீனவர்கள் படுகொலைகளுக்கு ,கூடங்குளத்திற்க்கு நீதி பெற முடியும் என நம்புகிறேன்.ஓட்டு மொத்த தமிழகமும் இணைந்தால் மட்டுமே இது முடியும்.கூண்டுக்குள் அடைத்து வைத்து பாட சொல்லி ஆட சொல்லி கேப்பது போலத்தான் காஷ்மீர் மக்களிடம் நாம் எதிர்பார்ப்பது.காஷ்மீராகட்டும்,சட்டீஷ்கராகட்டும் இறப்பது என்னவோ ஏழை  மக்களும் ஏழை சிப்பாயும்தான்.உங்களுக்கென்ன நீங்கள் கொண்டாடுங்கள்.

ஆகஸ்ட் 14கை  நாகலாந்தில் சுதந்திர தினமாக கொண்டாடுகிறார்கள் என்று கேள்விப்பட்டேன்.அது குறித்து அறிந்தவர்கள் தகவல் தரலாம்.

மனதில் தோன்றியது எழுதி விட்டேன்.இதோ எனது தோழன் இதை படித்துவிட்டு திட்டி செல்கிறான்.என் மனைவி எனக்கு ஏதோ நோய் இருப்பதாய் சொல்கிறார்.எனது உடன் பிறந்த அண்ணன் நாட்டை அவமானப்படுத்துகிரவன் தன் தாயை அவமானபடுத்துகிறான் என்று கமென்ட் செய்கிறான்.அளவுக்கு மீறிய தேச பற்று நமக்கும் சக மனிதனுக்கும் இழைக்கும் கொடுமைகளை மறைக்க கூடாது.என்னை துரோகி என்று அழைப்பீர்கள் என்றால் எவ்வித சங்கடமும் இல்லாமல் வரவேற்பேன்.

டிஸ்கி;ஆர்ப்பாட்டமான  கொண்டாட்டங்கள்  போராட்டங்களின் வலியை புரிந்து கொள்வது கஷ்டமே.சுதந்திர போராட்ட வீரர்களின் ஆன்மா ஒரு நாளும் கார்ப்பரேட் அடிமை அரசுகளை மன்னிக்காது.

	Tweet

இந்திய பாக் எல்லை வீரர்கள் சொல்வது என்னவென்றால் .....

பொதுவாக நான் விடுமுறை வரும்போது, அங்கல்லாம் எப்படி மக்கா பாகிஸ்தான்காரன்  நெறைய சேட்டை செய்வானோ? இப்படி நண்பர்களிடம் ஆரம்பிக்கும் கேள்விகள்.... யய்யா அங்க ஒரே சண்டயா இருக்குமோ? என்று கேட்கும் என் கிராமத்து பெரியவங்க வரை அனைவருக்கும் உங்களுக்கும் இந்த பதிவு மூலம் எல்லையில் உள்ள  இந்திய பாக் உறவுகள் எப்படின்னு சொல்றேன்..

                         பஞ்சாப்பில் இந்திய விவசாயிகள் எல்லைப்புறத்தில் உள்ள தங்கள் நிலங்களில் விவசாயம் செய்யும் பொழுது அவர்களை கண்காணிப்பதற்கும் பாதுகாக்கவும் நாங்களும் செல்லவேண்டும்.ஜீரோ லைன் என்னும் இந்திய பாக் எல்லையில் ரோந்து வரும் பாக் ரேஞ்சர்கள் எங்களுடன்..என்ன ஜனாப் சௌக்கியமா என்று கை குலுக்கி செல்வார்கள்.(நாளிதழில் வருவது போல பரம எதிரி என்றால் முறைத்து விட்டு போலாமே..)

                                ஒரு முறை சந்தித்த போது, அதான் நாங்க காவல் காக்கிறோமுல நீங்க ஓய்வு எடுங்கனு சொன்னப்போ சிரித்து  வைத்தார்கள்.நமது எல்லைப்பகுதியில் உள்ள இலந்தைபழங்களை கேட்டு வாங்கி சாப்பிடுவார்கள்.நாமளும்தான். (காய் விடுறதில்லை பழம் னு சிம்பாலிக்கா சொல்றேனுங்க)
                               எந்த இடம் என்று நியாபகம் இல்லை.எல்லையில் மிக அருகில் எதிரெதிரே காவல் காக்கும் OP POINT(OBSERVATION POST)அமைந்திருந்தது..நமது POSTடிலும் அங்கேயும் அவரவர் தேசிய கொடி பறக்கும்.(எல்லா OPயிலும் இல்லை) மாலையானால் கொடியை இறக்க வேண்டும்.வீட்டு கவலை,பணி சுமை காரணமாக நாம் மறக்கும் பட்சத்தில் பாக் வீரர்களே  விசில் அடித்து நியாபக படுத்துவார்கள்.அந்த OPயில் நான் முன்புறம் காவல் பார்க்க என் பின்னால்   (வரும் வழி பின்புறம் என்பதால்) சோதனை செய்ய வரும் அதிகாரிகளின் வண்டிகளை என் முன் புறம் உள்ள பாக் வீரன் எனக்கு முன்னமே விசிலடித்து அறிவித்து விடுவான்.(நண்பேன்டா)

                            மாதாமாதம் ...இல்லைனா அவசியப்படும் நேரம் FLAG MEETINGனு ஒன்னு நடக்கும்.அதாவது இந்திய பாக் எல்லையில் இரு நாட்டு அதிகாரிங்களும் சந்தித்து சிறு சிறு பிரச்சனைகளை பேசி தீர்த்து கொள்ளலாம்..அப்பவும் பாது காப்புக்கு நாங்க போவோம்.அப்படி போகும்போது பாக் வீரர்களுடன் பேச கூடாது.வணக்கம் வைக்கலாம்  புன்சிரிக்கலாம்.பெயரெல்லாம் கேட்டால் சொல்ல கூடாது. அப்படி நடந்த ஒரு சந்திப்பில் பாக் வீரன் என் பெயரை கேட்டு தொலைக்க... நான் சல்மான் கான் என்று சொல்லி விட்டு நமட்டு சிரிப்புடன் அவன் பெயரை கேட்க அவன் சிரிக்காமல் சொன்னான்  ஹிரித்திக் ரோஷன் என்று.இருவருமே வாய் விட்டு சிரித்து விட்டோம்.
                 பண்டிகை நாட்களில்,சுதந்திர தினத்தில் இனிப்பு பகிர்வது சம்பிரதாயமாக இருந்தாலும் நல்லாத்தான் போகுது..ஆனா நாட்டுக்குள்ளே ...???

இப்படில்லாம் நாங்க முறைக்கிறது இல்லை .இது ஒரு சூடேற்றும் நிகழ்வு.

             உங்கள் தேசப்பற்றின் அர்த்தம் திசை திருப்பப்படுகிறது என்பதை உணர்கிறீர்களா? வாகா எல்லையில் நடக்கும் மக்களை சூடேற்றும் நிகழ்வுக்கும் இந்திய பாக் அணிகளுக்கு இடையே நடக்கும் கிரிக்கெட்டுக்கும் அதிக வித்தியாசம் இல்லை.இங்குதான் ஒட்டு மொத்த ஜனத்தின் தேசப் பற்றும் பொங்கி வழியும்.உங்க நாட்டு பற்றை லஞ்சம் கேட்கும் அதிகாரியிடமோ,ஊழல் செய்யும் ஒரு அரசியல்வாதியிடமோ காட்டினால் சந்தோசம் கொள்வேன்.கொடுப்பவனும் வாங்குபவனும் ஒன்றாக அங்கு கொடியாட்டி கொண்டிருக்கையில் என்னை போல் ஒரு எல்லை காவலன் ரயிலில் இடமில்லாது கழிவறை ஓரம் கழிவிரக்கத்தோடு அமர்ந்திருப்பான். இதுதான் யதார்த்தம்.
               குஜராத்,ராஜஸ்தான்,பஞ்சாப்.எல்லை பகுதிகளில் நட்பாகத்தான் இருக்கிறோம்.  போர் என்று பரபரப்பு அரசியல் நடத்தும் அரசியல்வாதிகளினால் எங்களின் விடுமுறை நிறுத்தபடுவது  பற்றி யாரும் அறிவதில்லை.
சரியாக சொன்னால் நாட்டையே அமெரிக்காவிற்குவிற்று தொலைக்கும் மன்மோகன்  அரசை விட,இலங்கைக்கு தமிழ் சொந்தங்களை பந்தியிட்ட இந்திய தமிழ் அரசியல் நாய்களை விட, கூடங்குள அணு உலைகளை விட எல்லையில் எந்த ஆபத்தும் இல்லை.

                எனவே நண்பர்களே,ஜம்முவில் சண்டையிடும் இரு நாட்டு வீரர்களும்   இட  மாற்றுதலாகி வேறு  இடங்களுக்கு செல்லும் போது நட்போடுதான் சந்திக்கிறோம்.அனைத்து இடங்களையும் பதட்டமாக்கி ஓட்டு பொறுக்கும் பாரதிய ஜனதா போன்ற  கட்சிகளிடமும்,ஊடகங்களிடமும்,அனைத்து அரசியல்வியாதிகளிடமும்  மட்டும் கவனமாக இருங்கள்.

டிஸ்கி :உள்ளிருக்கும் துரோகிகளை விட வெளியே உள்ளதாக கூறப்படும் எதிரிகள் தேவலாம் பாஸ்!!

நீங்கள்  கேட்கும் கேள்விகள், பின்னூட்டங்கள் இன்னும் இன்னும் என்னை எழுத தூண்டும்.கேளுங்கள்,திட்டுங்கள்,கருத்திடுங்கள்.பகிர்ந்திடுங்கள்.நன்றி.

	Tweet

இந்திய பாக் எல்லையில் ஜவான் உறங்குமிடம் (புகைப்படம் இணைப்பு)

இந்திய ராணுவத்திற்கு எத்தனையோ கோடி செலவழிக்கும் நமது அரசு,உலகின் மிகப்பெரிய துணை ராணுவமான எல்லை பாதுகாப்பு படைக்கு செலவழிக்கும் தொகை எவ்வளவு என்று தெரியவில்லை.செலவழித்தாலும் அது கடைசி ஜவான் வரை கிடைக்கிறதா என்பதும் தெரியவில்லை.

வசந்த மாளிகை?

                நீங்கள் மேலே காணும் புகைப்படம் இந்திய பாகிஸ்தான் எல்லையில் இரவில் காவலுக்கு நாங்கள் தங்குமிடம் உறங்குமிடம் ஆகும்.BOP  எனப்படும் BORDER OUT POST நாங்க இருக்குமிடமாகும்.BOPயிலிருந்து  2கிலோ மீட்டர் தூரத்திலிருந்து  5 கிலோ மீட்டர் வரை நாங்க காவல் புரியும் இடம் இருக்கும்.  ஒவ்வொருவருக்கும் இடத்திற்கு தகுந்தாற்போல் கண்காணிக்கும் பகுதியின் நீளம் அமையும். மூவர் அணி ஒரு இரவுக்கு காவல் புரியும்.ஒருவர் காவல் புரிய மற்றவர் உறங்க நாங்க பயன்படுத்தும் இடம்தான் நீங்கள் புகை படத்தில் காண்பது.
                 குளிர்,மழை,வெயில்,என அனைத்து நேரமும் எங்கள்  உறைவிடம் இதுதான்.சில இடங்களில் கூரைக்கு போடும் டின் ஷீட் படுக்கை..BOPயில் நல்ல வசதிகள் இருந்தாலும் இரவும் பகலும் இது போன்ற இடங்கள்தான் எங்களுக்கு எப்போதும்.
                   இது சுமார் 4வருடம்  முன்னே ராஜஸ்தான் மாநிலம் பாட்மீர் (barmer) ரில் எடுக்கப்பட்டதாகும்.


கொசுறு :ஒரு ஜவான் ஒரு நாளில் உறங்கும் அதிகபட்ச உறக்கம் 5 மணி நேரம் மட்டுமே..

	Tweet

ஆர்மி னா அவ்ளோ பெரிய அப்பாடக்கரா?....

மிக மேலோட்டமாகவே இந்த பதிவு எழுதப்பட்டுள்ளது. இந்தியன் ஆர்மி என்றதும் துடிப்பாக விறைப்பாக துப்பாக்கி ஏந்திய பல சினிமா கதாநாயகர்கள் நியாபகத்துக்கு வரும்.உண்மைதான்.இவர்களை போன்று விறைப்பாக நிற்க்கும் இன்னும் பலரை உங்களுக்கு தெரியுமா? பொதுவாக காஷ்மீரில் உயிரிழக்கும் வீரர்களை நமது செய்தியாளர்கள் பாதுகாப்புப்படையை சேர்ந்த இருவர் பலி என்ற அளவோடு முடித்து விடுவார்கள்.காஷ்மீர் போன்ற பதட்டமான இடங்களை ஆர்மி மட்டுமே காப்பதில்லை.அங்கு பலியாவது ஆர்மி வீரர்கள் மட்டுமில்லை.துணை ராணுவம் (para military force)என்று அழைக்கப்படும் எல்லை பாதுகாப்பு படை,சென்ட்ரல் ரிசர்வ் போலீஸ் படை போன்று பல்வேறு துணை ராணுவ வீரர்கள் பலியாகின்றனர்.செய்திகளில் பாதுகாப்பு படை என்று அழைக்கப்படும் இவர்கள் ஆர்மிக்கு இணையான பணி புரிந்தும் ஆர்மிக்கு இணையான சலுகைகள் எதுவும் இவர்களுக்கு இல்லை என்பதே சோகமான உண்மை. எல்லை பாதுகாப்பு படை ஆர்மியை போல தனியே ஆபரேஷன் செய்யும் அதிகாரம் கொண்டதாகும்.காஷ்மீரிலிருந்து கீழே இறங்கும் ஆர்மியின் பட்டாலியன் அமைதியான நகரங்களில் தங்கள் ஹெட் குவாட்டரில் குடும்பத்தோடு வாழ...எல்லை பாதுகாப்பு படை இந்தியாவின் மற்றுமொரு எல்லையில் காவல் காத்துகொண்டிருக்கும்.இவர்களின் ஹெட் குவார்ட்டர் ராஜஸ்தான் போன்ற இடங்களில் குறைந்தது 150கிலோ மீட்டர் தூரம் இருக்கும்.ஊரிலிருந்து அழைத்து வந்த மனைவியை காண இரு வாரங்களுக்கு ஒருமுறை காய்கறி வாங்கவரும் வண்டியில் வந்து ஓரிரவு இருக்க மட்டுமே வாய்ப்பு அமையும். காஷ்மீர்,வட கிழக்கு மாநிலங்கள்,சட்டீஸ்கர்,இந்தியாவின் எல்லை பகுதிகள்,தேர்தல் காவல்,என அனைத்து பணிகளையும் புரியும் இவர்களுக்கு ஆர்மி போல சலுகை விலை கடைகள்,பணி முடிந்த பின் அரசு வேலை வாய்ப்புகளில் முன்னுரிமை,இரத்த உறவுகளுக்கு வேலை வாய்ப்பில் முன்னுரிமை,ரயில் பயணங்களுக்கு டிக்கெட் எடுக்க தனி அலுவலகமோ,ரயிலில் தனி பெட்டியோ கிடையாது. இந்தியாவின் பாதுகாப்பு துறைக்கு அதிக பட்ச தொகையை செலவிடும் அரசு, உள்துறை அமைச்சகதின் கீழே வரும் ஆர்மிக்கு இணையான பாதுகாப்பு அளிக்கும் எல்லை பாதுகாப்பு படைக்கு செய்யலாமா கூடாதா? நீங்களே சொல்லுங்களேன். இத்தனை வசதிகள் செய்தும் சத்தீஸ்கரில் பணி புரிய ஆர்மி மறுத்து விட்டது.crpf வீரர்கள் தினமும் பலியாகிறார்கள்.ஆர்மி வீரர்கள் எத்தனை வீரர்கள் எல்லையை பார்த்துள்ளனர்?கேட்டு பாருங்க சிரிப்பா சிரிக்கும் மானம். இது பற்றிய விரிவான பதிவு வெகு விரைவில்....

	Tweet