பதிவர் திருவிழாவிற்கு முன்னும் பின்னுமாய் சில வேண்டுகோள்கள்

வலைபதிவர்கள் மாநாடு மயிலாடு என்று களை கட்டுவதை காணமுடியாமல் கண்கட்டுகிறது எனக்கு.நீங்க எப்படினாலும் நினைத்து கொள்ளுங்கள்...ரொம்பவும் ஓவராத்தான் போகுது உங்க அலும்பு...முதலில் கவிதை வீதியில் ஆரம்பித்த பதிவர் மாநாடு அழைப்பு பதிவு அப்புறமா தினமும் வாட்டு வாட்டுன்னு வாட்டுது...

அட ஆமாங்க யாரை பார்த்தாலும் பதிவர் சந்திப்பை மாநாட்டை பற்றி கொடுரமா ஒரு தலைப்பை கொடுத்து படிக்க வைக்கிறாங்க .உள்ளே போய் பார்த்தா வழிஞ்சிகிட்டே அப்பத்தான் நீங்க படிக்க வருவீங்கனு மொக்கையா எழுதி கடுப்பை கிளப்புறாங்க...நானும் எவ்வளவு நாள்தான் வலிக்காத மாதிரி நடிக்கிறது?நீங்களே சொல்லுங்க...

சென்னையில இருக்குறவங்கள கேக்கவே வேண்டாம்...பதிவர் கூட்ட ஆலோசனைல கலந்துக்கிறேன்னு போய்ட வேண்டியது,காலுக்கு கீழே ரெண்டு போட்டோ,தலைக்கு மேலே ரெண்டு போட்டோ...அடுத்த நாள் பாத்தா பயபுள்ளங்க   வெவரமா ஒரு பதிவை தேத்திடுறாங்க...

நாம வெளியூர்க்காரங்க என்னடா செய்யலாம்னு பார்த்தா ஒன்னும் முடியலை...எத்தனை நாள்தான் விரல் சூப்பிட்டு பாத்துகிட்டே இருக்குறது?அதான் கோவத்தில களம் இறங்கிட்டோம்....களத்துல இறங்கியாச்சே பதிவர் சந்திப்பை பற்றி ரெண்டு பதிவ படிக்கலாம்னு பார்த்தா ஒரே அக்கப்போர்....

குடிக்கிற ஜாதி..குடியாத ஜாதி..நீயா நானா? பதிவர் சந்திப்பு என்னும் பெயர் மாறி,பதிவர் குடிப்பவர் மாநாடு,குடிக்காதவர் மாநாடு என்று அமைந்துவிடுமோ என பயமாக உள்ளது.எப்படியோ கொஞ்ச பேருக்கு இதுதான் இந்த வாரத்துக்கு எழுத்தா இருக்குது.

பதிவர் சந்திப்பின் சுவராசியத்தை கெடுத்து விடுமோ என்று பயத்தை தருகிறது  பதிவுகள்.முதல் பதிவாக கவிதை வீதி அவர்களின் பதிவையும்.தம்பி சீனுவின் இரண்டு பதிவையும் படித்தேன்...அதன் பின் இப்போதுதான் பதிவர் சந்திப்பை பற்றிய பதிவுகளை படிக்கிறேன்.கலந்துக்குரவங்க பேரை கொடுத்திருந்தார்கள்.வேற சுவராஸ்யமா எதுவும் இல்லை.பவர் ஸ்டார் வருகிரார்னு மறுபடியும் கவிதை வீதியில் காயவிட்டார் அண்ணன் திரு கவிதை வீதி சௌந்தர்.

முக்கியமான  பிரச்சனை என்னனா பதிவர் சந்திப்பை பற்றிய முக்கிய அறிவுப்புகள் வந்தாலும் என்னை போல உள்ளவன் சும்மா எதுனாச்சும் கிளப்புவாங்கனு படிக்காமலேயே அப்பீட் ஆயிடுவோம். அதாவது புலி வருது கதையாகும்னு சொல்றேன்....யப்பா,நான் சரியாத்தானே பேசுறேன்?

சரி நடந்தது நடந்து போச்சு...இனிமே பதிவர் சந்திப்பில் கலந்து கொல்பவர்களுக்கு ஒரு முக்கிய வேண்டுகோள் என்னனா...நீங்க சந்திப்பில் இருக்கும்போது ஒரு பதிவர் என்பதை மறந்து விடவும்.இல்லைனா அன்னைக்கு இரவே ஒரு பதிவு போட மேட்டர் தேடுவீங்களே தவிர சந்தோசமா இணைந்திருக்க மாட்டீங்க.

பதிவர் சந்திப்பு முடிந்து ரெண்டு நாளைக்கு அதை பற்றி யாரும் எழுத கூடாதுன்னு ஒரு சட்டம் போடணும்.ரெண்டு நாளைக்கு அப்புறமும் எது மனசுல நிக்குதோ அதுதான் நீங்கள் மிகவும் ரசித்ததாகவும் சுவராஷ்யமாகவும் அமையும்.அதை படிக்கத்தான் நாங்கள் காத்திருக்கிறோம்.

அப்புறம் இந்த பிரபல பதிவர்களை மூத்த பதிவர்களை பேட்டி எடுக்கிறது,அவர் கவிதை அரங்கத்தில் காதை சொறிந்தார்,ஒரே நேரத்தில் மூணு டம்ளர் தண்ணி குடிச்சார்,தயிர் கடைந்தார்னு கவனிச்சு கவனிச்சு பதிவு எழுதி யாரும் எங்களை கடுப்பாக்காதீங்க ..சொல்லிப்புட்டேன்.

யாருமே நல்லா இல்லைன்னு எழுத மாட்டீங்க...பேசா பொருள்கள் பேச மறுக்கும் பொருள்கள் இல்லாமல் இருக்க வாய்ப்பில்லை.அவற்றை குற்றமாக எழுதாமல் அடுத்த முறை சிறப்பாக எடுத்து செய்ய வழிவகுக்கும் முறையில் திட்டம் தீட்டி கொடுங்கள்.

இந்த மடிக்கணினி,காமெரா இதெல்லாம் கொண்டு போய் அங்கே இருந்தே லைவ் பதிவு போட்டு கொலைவெறி பண்ணிடாதிங்க மக்களே...போவது பதிவர் சந்திப்பு என்பதையும் செய்தி சேகரிக்க இல்லை என்பதையும் நியாபகம் வைத்து கொள்ளுங்கள்.

எழுதுரவனுக்கு பொதுவா சுய மரியாதை அதிகம் இருக்கும்னு சொல்வாங்க..யாரும் யாரோடும் கருத்து சண்டை போடாமால் சுமூகமாக நிகழ்ச்சியை முடித்து வரவும்.இந்த பின்னூட்ட சண்டை போட்டவர்களை ஒரே மேடையில் நிறுத்தி பேச விட்டு பார்த்தால் எப்படி இருக்கும்?

பதிவர் சந்திப்பின் பதிவு என்றால் மற்றவர்கள் பதிவை ஒருமுறை படித்து விட்டு அப்புறமா இடுங்கள்.இல்லைனா ரெண்டுபேருமே ஒரே மாதிரி எழுதி வைக்க போறீங்க....

அப்புறமா இந்த வெளியூர் பதிவர்களின்  பயணக்கட்டுரைகள்...பஸ் கிடைக்கலை ரயில்ல முட்டிகிட்டேன்,கடல்ல காலை நினைச்சேன் ஈரமாச்சு,வெயிலில் வந்தேன் காஞ்சிடுச்சுனு யாராவது பதிவு போட்டீங்க...மொட்டை போன் அடிச்சு ஊருக்குள்ள கலவரத்தை கிளப்பிடுவேன் ஆமா...

அண்ணனின் பெருந்தன்மை எனக்கு இருக்க நாற்காலி கொடுத்தார் ,சாப்பாடு ஊட்டினார்னு நெக்குருகும் தம்பிகளை எப்படி தடுத்தாலும் எழுதத்தான் போறீங்க.நானும் ரத்த கண்ணீர் வடிக்கத்தான் போறேன்.எவ்வளோவோ பார்த்துட்டோம் இதை பார்க்க மாட்டோமா என்ன?

இந்த நன்றிப் பதிவுகள் (சென்டிமென்ட்??!!)வேறு என்ன பாடு படுத்த போகிறதோ...இப்பவே வயித்துக்கும் தொண்டைக்கும் வைரமுத்து ஆப்பிள் பயம் காட்டுகிறது.அதிலும் நன்றிக்கு வரப்போகும் கவிதைகள்...ஷ்..இப்பவே கண்ணை கட்டுதே.

எப்படியோ பாஸ் பதிவர் சந்திப்பில் கலந்துக்க முடியாத காட்டத்திலேயும்,நீங்க அதை பத்தி எழுதி எழுதி இன்னும் கடுப்பை கிளப்புவிகளே என்ற நல்லெண்ணத்திலும் நம்ம பங்குக்கு எதையாவது எழுதி வைப்போம்னு எழுதிட்டேன்...நல்ல படியா சிறப்பா சந்திப்புகள் தொடர வாழ்த்துக்கள்.அடுத்த திருவிழாவை இப்போவே அறிவிக்க வேண்டுகிறேன்.

வழி தெரியலையா?இங்கே சுட்டுங்கள் மதுமதி அவர்கள் பதிவர் திருவிழாவிற்கு வர வழிகள் மற்றும் நேரடி ஒளிபரப்பு காண நிரலையும் தருகிறார்.
வருவதற்கு வழி காட்டும் தெய்வங்களே திரும்பி செல்லவும் வழி சொல்ல வேண்டுகிறேன்..


குறிப்பு: எந்த பதிவரிடம் கேட்டாலும் பரிசு தொகையை வென்றால் பாதி பணம் எனக்கு தருவதாக சொல்கிறார்கள்...அப்படி என்னப்பா நான் செய்துட்டேன்? எந்த  பதிவர்கள் பணம் வென்றாலும்  பாதி பணம் அனுப்ப முகநூல் மூலமாக என்னை அணுகலாம்....(இது வதந்தி இல்லை என்று ரா உறுதி செய்துள்ளது)

	Tweet