மேரி கோம் -மணிப்பூர் தந்த மற்றுமொரு வலிமையான பெண்மணி. மேரி கோல்ட் என்றும் அழைக்கலாம் இந்த பெண் சிங்கத்தை.
- 1983 மார்ச் மாதம் ஒரு சாதாரண விவசாய குடும்பத்தில் பிறந்தவர் மேரி கோம்.
- தனது பள்ளி படிப்பில் 10ம் வகுப்பில் கோட் அடித்தவர் மேரி கோம்.
- மேரி கோம் குத்து சண்டை வீராங்கனையாகும் முன்னே தடகள வீராங்கனையாக இருந்தார்.
- DINGKO SINGH என்ற இந்தியர் ஆசிய குத்துசண்டையில் தங்கம் வென்று வந்தபோது அதில் ஈர்க்கப்பட்டு குத்து சண்டையை தேர்வு செய்தார் மேரி கோன்.
- 2005ல் மணிப்பூர் அரசு மேரி கோன் பதக்கங்களுக்கு மதிப்பளித்து SUB INSPECTORராக மணிப்பூர் காவல் துறையில் பணி தந்தது.
- 2008ல் INSPECTORராக பதவி உயர்வு அளிக்க பட்டது
- மீண்டும் 2010ல் DEPUTY SUPERINTENDENT OF POLICE (DSP) பதவி உயர்வு அளிக்கப்பட்டு கௌரவிக்கப்பட்டார்.
- உலக அளவிலான போட்டிகளில் 14தங்க பதக்கங்களும்,2 வெள்ளி பதக்களையும்,ஒரு வெண்கல பதக்கத்தையும் தட்டியுள்ளார் மேரி கோன்.
- மணிப்பூர் விளையாட்டு கிராமத்திற்கு செல்லும் சாலைக்கு மேரி கோன் சாலை என்று பெயரிட்டு மேரியை பெருமை செய்துள்ளது மணிப்பூர் அரசு.
- 2004ல் அர்ஜுனா விருது,2006 ல்பத்ம ஸ்ரீ ,மற்றும் இந்திய அரசின் விளையாட்டு வீரர்க்கான உயர்ந்த விருதான ராஜீவ் காந்தி கேள் ரத்னா விருதுகளுக்கும்(2009) சொந்தக்காரர் ஆனார் மேரி கோம்.
- 2000ல் மணிப்பூர் சாம்பியன் ஆன மேரி கோம் தனது 2001ல் நடந்த முதல் உலக கோப்பை போட்டியில் வெள்ளி பதக்கம் வென்றது குறிப்பிடத்தக்கது.
- BBC இவரை பற்றிய 45 நிமிட காணொளி ஒளிபரப்பியது மேரியின் திறமைக்கு கிடைத்த மதிப்பு.
- தனது மகளின் வெற்றி பெற்ற புகைப்படத்தை நாளிதழில் பார்க்கும் வரை அவரது தந்தைக்கு அவர் குத்து சண்டை வீராங்கனை ஆனது தெரியாது.
- இது வரை தான் பங்கு பெற்ற அனைத்து உலக கோப்பையிலும் பதக்கம் வென்ற ஒரே வீராங்கனை மேரி கோம் மட்டுமே.(திருத்தம்-2012 தவிர)
- ஒலிம்பிக் காலிறுதிக்கு முந்திய போட்டியில் மேரி கோம் பெற்ற வெற்றி சற்று சிறப்பானது.ஏனென்றால் அன்று அவரது இரட்டை குழந்தைகளின் பிறந்த தினமாகும்.
- கபில் தேவ்,டோனி,மற்றும் அபினவ் பிந்த்ரா வரிசையில் இந்திய ராணுவத்தின் கௌரவ லெப்டினன்ட் கர்னல் பதவி பெறப்போகும் முதல் பெண்மணி மேரி கோம் ஆவார்.
- மணிப்பூரில் 2011ல் சமையல் எரிவாயு தட்டுப்பாட்டின் போது மேரியும் தப்பவில்லை.விறகு கூட்டி சமையல் செய்ததாக சிரிக்கிறார் மேரி கோம்.
- 400மீட்டர் ஓட்டமும் ஜாவ்லினும் மேரிக்கு மிகவும் பிடித்த விளையாட்டுக்கள் ஆகும்.
- லண்டன் ஒலிம்பிக் போட்டியின் முதல் ஆட்டத்தில் மேரி கோன் 3கிலோ ஏற்றியும் எதிரே போலந்து அணியின் வீராங்கனை 3கிலோ குறைத்தும் 51 கிலோ எடைப்பிரிவில் மோதினர்.கடைசி ரவுண்டில் தளர்ச்சி அடைந்தாலும் விவேகமான ஆட்டத்தால் வெற்றி பெற்றார் மேரி கோம்.
- இரட்டை குழந்தைகளுக்கு தாயான பின் இரண்டுமுறை உலக கோப்பை வென்றார் மேரி கோம்.
- INTERNATIONAL BOXING ASSOCIATIONனின் மகளிருக்கான குத்துசண்டை AMBASSADORராக 2009ல் நியமிக்கப்பட்டார் மேரி கோம்.
- இந்தியாவின் சார்பில் ஒலிம்பிக்கில் ஆடும் குத்துசண்டை வீரர்களில் வீராங்கனை என்றால் மேரி கோன் ஒருவர் மட்டுமே.
- மேரி கோம் உலக மகளிர் குத்துசண்டை தர வரிசையில் தற்போது 4ம் இடத்தில் உள்ளார்.
- AIBA International Boxing Association 2008ல் "MAGNIFICENT MARY" என்று பட்டம் அளித்து பெருமை செய்தது.
- மல்லேஸ்வரி,சாய்னாக்குப் பின் ஒலிம்பிக்கில் பதக்கம் வெல்லப்போகும் மூன்றாம் இந்திய பெண்மணி மேரி கோம் ஆவார்.
| Tweet | |||||
